CRÓNICAS de Carballiño

     Aquí recóllense, a modo de crónica, algúns dos acontecementos que se van producindo na Vila e na comarca do Carballiño. Non están todos. Nin están os máis importantes. Pódese decir que "non están todos os que son ... pero que, polo menos, son todos os que están"

     Inicialmente pode parecer unha mera colección de anécdotas. Trátase dunha idea sinxela: que un grupo de carballiñeses vaian escribindo pouco a pouco a vida cotiá de Carballiño. E que envíen as súas "crónicas" a este email: a@galicias.com. As que cheguen iránse colgando nesta páxina. Calquera pode colaborar escribindo sobre calqueira feito ou noticia que coñeza. Prégase que se envíe soio información certa, coñecida e contrastada directamente. Pouco a pouco iremos formando unha crónica, que dentro dun tempo se irá convertendo en historia.

     Ademáis as crónicas póden servir tamén para lecer dos carballiñeses emigrados e para que manteñan vivas as raices que os xunguen coa súa terra nai.

De partidos xudiciais e reformas: o caso do Carballiño
Anacos da historia do Carballiño: video

• 16-02-2012.- DON EMILIO MARTÍNEZ NÚÑEZ, teniente da Garda Civil do Carballiño, deu unha conferencia sobre OS PERIGOS DAS REDES SOCIAIS. Amena, clara, brillante...
       Dixo moitas cousas moi interesantes. Eu quedeime con estas ideas: As redes sociais ten mais virtudes e ventaxas que perigos... Pero aínda así hai que estar atentos, non fiarse dos descoñecidos, e ter en conta que unha vez que poñemos algo na rede perdemos o control e non sabemos a onde pode ir a parar... E para non caer en timos... é bo saber que en internet naide regala nada... polo que se recibimos un mail ofrecéndonos miles de euros... o mellor que podemos facer é non facerlle nin caso... E se nos piden que actualicemos os nosos datos bancarios... ¡nin caso! pois será unha solicitude falsa para facerse cos nosos datos... Usar internet, sí, usar as redes sociais, sí, pero con prudencia e con sentido común...
       E no que toca ós menores: é importante que non teñan o ordenador na súa habitación... convén que o ordenador esté na casa nun "espazo común", como pode ser ó salón...
• 15-02-2012.- El períodico LA REGIÓN informa en el día de hoy de que "La agrupación local del BNG de Carballiño ha registrado una nueva baja, correspondiente al exconcejal Manuel Amil Otero".
• 09-02-2012.- Rematan as obras de acondicionamento do entorno da igrexa Vella do Carballiño.
• 29-01-2012.- Máis de 4.000 persoas maniféstaronse no Carballiño en contra da instalación dunha Incineradora no Irixo. Na praza Maior, ás 12.30, o Alcalde deu lectura dende o balcón da casa do Concello, ó acordo adoptado por unanimidade polo pleno da corporación o día 5 de xaneiro de 2012 para expresar o rechazo á instalación dunha planta incineradora de residuos urbáns no concello do O Irixo. Logo a marcha percorreu algunhas das rúas da Vila: Aldara, Conde Vallellano, Julio Rodríguez Soto, Margarita Taboada, e Mosquera... e volveu de novo á praza Maior. Foi unha manifestación pacífica de liberdade e democracia.
• 26-01-2012.- Na casa da cultura do Carballiño proxectouse o documental ALTERNATIVA CERO, do director carballiñés Pachi Baranda, coa asistencia dun numeroso público.
• 25-01-2012.- O periódico LA VOZ DE GALICIA, na páxina L7, conta que Argimiro Marnotes, aldalde do Carballiño, acudirá á manifestación que está convocada para este domingo día 29 de xaneiro na praza Maior do Carballiño, ás 12:30 horas, en contra da instalación da Pranta Incineradora no Irixo, e que invita a tódolos veciños -que o consideren oportuno- a unirse á protesta.
• O venres, 20 de xaneiro de 2012, dentro das actividades das XOCIVIGA, e en colaboración co IES Nº1 e a asociación de Banca Ética AIS O Peto, tivo lugar unha charla do economista e activista de diferentes movementos sociais Arcadi Oliveres. Foi na Casa da Cultura do Carballiño, ás 17:00 horas. Nunca vira a Casa da Cultura tan ateigada de xente (non se cabía, había persoas de pé e outras sentadas no chan e nas escaleiras). Falou con claridade, con contundencia, e ademáis foi ameno. Contounos que a crise máis grave que hai no planeta terra é a da fame que mata cada día a 80.000 persoas... E que cos cartos que os gobernos dos países ricos emplearon nestes derradeiros anos en "salvar ós bancos" sería suficiente para evitar a fame en todo o mundo durante 92 anos... E no coloquio que seguiu á charla dixo claramente que o capitalismo ten que desaparecer, igual que no seu día desapareceu o feudalismo... E que non podemos seguir con este sistema se non queremos destruir completamente o planeta. Outra sociedade e outra forma de vida son posibles...
• 20.01.2012.- Marcos, o neno que sufriu importantes queimaduras no incendio do edificio Magariños, fai uns meses, xa foi dado de alta e xa está de novo no Carballiño.
• 19.01.2012.- Comienzan las obras del parque de bomberos de Carballiño. En una parcela del polígono industrial de A Uceira han empezado los trabajos de destierre y explanación, para la construcción del parque de bomberos para las comarcas de O Ribeiro y Carballiño. Está previsto que se construya un edificio de dos plantas. La obra tiene un presupuesto aproximado de 750.000 euros.
• 16.01.2012.- Para o vindeiro día 29 de xaneiro de 2012 ás 12.30 horas está convocada unha manifestación na praza maior do Carballiño, en contra da instalación da incineradora no Irixo.
• 16.01.2012.- O concello do Carballiño decide cerrar a radio municipal que estaba funcionando dende o ano 1999. Din que o fan para reducir gastos.
• 15.01.2012.- Os usuarios da biblioteca pública do Carballiño quéixanse de que a calefacción non funciona e de que os aseos están averiados. "'e estamos alí cunha temperatura que non sobrepasa os catro graos centígrados", dí unha das afectadas.
• 11.01.2012.- A cafetería do Casino do Carballiño vai estar aberta ó público, de xeito que para entrar nela xa non vai ser preciso ser socio do Casino.
• 07-01-2012.- Arredor de 2.500 manifestáronse no Irixo en contra da instalación da planta icineradora. Había xente de tódolos estamentos, labregos, empresarios, profesores, médicos, cregos, políticos, poetas, procuradores... e de tódalas ideoloxías políticas (do BNG, do PSOE, do PP... e de moitos lugares (do Irixo, de Carballiño, de Lalín... e de tódalas idades (nenos, adultos, vellos...), homes e mulleres... Todos pola defensa da saúde, do medio ambiente, do aire limpo... E todo isto ten que nos facer pensar: temos que cambiar os nosos hábitos, temos que consumir menos, temos que xenerar menos basura, temos que darlle a volta ó noso estilo de vida ...
• 05-01-2012.- O pleno da corporación municipal de O Carballiño, da que forman parte o PPdeG, PSdeG e BNG, expresou hoxe o seu rechazo unánime á instalación dunha planta incineradora de residuos urbáns no concello do O Irixo, por considerar que sería perxudicial para toda a Comarca, principalmente pola emisión de gases tóxicos. A contaminación sería mala para o turismo, e tamén afectaría a calidade de vida dos veciños de toda a comarca.
       O párroco de Loureiro está tamén en contra da icineradora, pois cree que é perxudicial para a zona e moi especialmente para a cooperativa de Loureiro. Varios párrocos do arziprestazgo de Carballiño manifestaronse tamén en contra da instalación da icineradora.      
• 01-01-2012.- No ano 2012 vanse cumprir 200 anos dende o nacemento do Concello do Carballiño. Na súa Guía do Carballiño, Fariña Jamardo dice: "el Ayuntamiento carballinés tiene su origen en la Constitución de Cadiz de 1812"
• 28-12-2011.- Se rumorea que el Excmo Ayuntamiento de O Carballiño está estudiando comprar la exposición de fotos que actualmente está colgada en las escaleras de la Casa del Concello para dejarla de modo permanente en ese lugar y a perpetuidad... Al parecer desde que dichas fotos están en las escaleras se ha producido un drástico descenso del gasto generado por el uso del ascensor... Además algunos piensan que gran parte del personal que trabaja en el Concello está más feliz ultimamente y que se ha producido un apreciable incremento de la productividad... Y, para colmo de bienes, los ciudadanos en estos últimos tiempos visitan de mucho mejor humor las dependencias de la Casa Consistorial y protestan mucho menos que antes... Todo lo cual puede ser debido a la exposición DELICATESSEN que alegra los ojos y aviva los latidos del corazón de más de uno...
• 20-12-2011.- Comida de despedida de Manolo, secretario do xulgado número 2 de O Carballiño. Amizade e ledicia acompañaron a comida que tivo lugar na Casa Anxeliña, en Fondo de Vila (Astureses), na que non faltaron os discursos, nin a queimada, nin os cánticos gregorianos...
• 19-12-2011.- Hoxe morreou Don Edelmiro Mateo Prado, un dos feridos no incendio que o día 12-11-2011 se produciu no Edificio Magariños. A súa morte déixame unha dor moi fonda no corazón. Carballiño chora. Carballiño agradece a súa vida e todo o seu traballo ó longo de moitos anos.
       Os amigos escoitan na alma o burato que deixa a morte. Pero ó mesmo tempo botan mán das imaxes máis fermosas gardadas con cariño no fondo da memoria e tentan recordar os momentos de ledicia vividos na compañía do amigo que xa non está, pero que nesa imaxe e nese recordoro seguirá vivo para sempre...
        Porque a morte é so un paso mais no camiño da vida... E o importante é vivir, e deixar rastro, e facer que o mundo sexa un pouquiño mellor ca se non houberamos existido...
• 12-12-2011.- Hoxe preséntase en Santiago de Compostela o DICIONARIO XURÍDICO GALEGO, unha obra de mais de mil páxinas na que colaboran máis de cen xuristas de recoñecido prestixio, entre os que se atopa o notario do Carballiño Juan Antonio Rúa Prieto. Publicado en papel por Edicións Xerais de Galicia. Estará tamén presente na rede, a disposición de todo o mundo, e de balde, en varias webs, entre as que figura esta: http://dixuri.com/
• 10-12-2011.- Nas escaleiras da Casa do concello do Carballiño está a exposición fotográfica DELICATESSEN de Hector Guzman.
• 10-12-2011.- Hoxe inaugurouse a línea de alta velocidade entre Ourense e A Coruña. O novo tren AVANT circulará a partir de mañan pola nova liña e deste xeito o percorrido Santiago-Ourense poderase facer en 38 minutos (en lugar dos 94 minutos que levaba ata o de agora). E o traxecto Ourense-Coruña poderase facer en 68 minutos. De todos modos para O Caraballiño esta é unha noticia "agridulce", pois os novos trens xa non van parar aquí, e os carballiñeses se queremos viaxar neles terémolos que ir a coller a Ourense... Os tren Avant pasarán fungando pola nova liña de ferrocarril que vai por Seoane e xa non pasarán pola Vila do Carballiño nin pola súa estación... O tren Avant ten 282 prazas e pode alcanzar unha velocidade máxima de 250 km/hora...
• 08-12-2011.- Están facendo obras no entorno da igrexa vella do Carballiño. Gústame que amplien a zona "peatonal".
• 07-12-2011.- O Aparthotel Arenteiro celebra o seu V aniversario.
• 06-12-2011.- O concello do Carballiño quere aforrar 15.000 euros ó mes en gastos de iluminación de rúas e espazos e ediifcios públicos... E para iso vai poñer en marcha un plan que entre outras cousas contempla a posibilidade de apagar parte das farolas en varias rúas. Para empezar na rúa Curros Enriquez vaise encender unha farola de cada dúas, de xeito que a metade delas estarán apagadas, e con iso aforrarase -lóxicamente- un 50% do gasto...
• 01-12-2011.- As obras do edificio LERIDA siguen a bo ritmo. Xa se está traballando no levantamento das columnas da cuarta planta é ó mesmo tempo estase empezando a cerrar xa con pedra a planta primeira. Este é un dos poucos edificios que se están construindo actualmente no Carballiño, pois a crise paralizou case por completo o sector da construcción na Vila.
• 20-11-2011.- Eleccións Xerais.- Gaña o PP de MARIANO RAJOY. Para o Congreso toca escoller 350 diputados. PP: 186, maioría absoluta. PSOE: 110. BNG: 2. CiU: 16. IU-LV: 11.AMAIUR: 7. UPyD: 5. EAJ-PNV:5. ESQUERRA: 3. CC-NC-PNC: 2. COMPROMÍS-Q: 1. FAC: 1. GBAI:1. No Senado tamén gaña o PP con unha ampla maioría absoluta.
  
  No concello do Carballiño os resultados son:
  Total votantes    8.297         72,34%
  Abstención         3.172         27,66%
  Votos nulos           117           1,41%
  Votos en blanco    134           1,64%
  
  Porcentaxe de votos no concello do Carballiño:
  PP                      4.966        60,70%
  PSdeG-PSOE     2.092        25,57%
  BNG                      676          8,26%
  EU-V                     142          1,73%
  UPyD                      59           0,72%
  eQuo                       48           0,58%
  PACMA                  32           0,39%
  PUM+J                    23           0,28%
  UCE                          5           0,06%
  CXXI                        3           0,03%
  
  Evolución do censo electoral no concello do Carballiño, nas eleccións Xerais:
  Ano 1977:   7.795
  Ano 1979:   9.354
  Ano 1982:   8.559
  Ano 1986:   9.724
  Ano 1989:   9.451
  Ano 1993:   9.225
  Ano 1996: 10.084
  Ano 2000: 10.618
  Ano 2004: 10.900
  Ano 2008: 11.325
  Ano 2011: 11.720
  
  E a población do Concello do Carballiño era de 10.550 persoas en 1977 e pasou a ser de 14.136 persoas no padrón do 2010.
  Vemos que hay un claro aumento tanto da poboación coma do censo electoral ó longo destes anos. De todos modos hai que ter en conta que o gran aumento do censo electoral que se produce entre 1977 e 1979 débese en parte a que a maioría de edade en España baixou no ano 1978 dende os 21 anos ós 18 anos.
  
  Na evolución da poboación da vila do Carballiño podemos recordar este interesantes datos que saco da GUIA DO CARBALLIÑO de FARIÑA JAMARDO: Ano 1826: 75 veciños e 297 habitantes. Ano 1845: 130 veciños e 650 habitantes. Ano 1863: 184 veciños e 789 habitantes. Ano 1900: 1.645 habitantes. Ano 1920: 2.315 habitantes. Ano 1940: 2.469 habitantes. Ano 1950: 3.237 habitantes.
  Hai que ter en conta que estes datos son da Vila do Carballiño, non do Concello. E segundo os datos do INE a parroquia de San Cibrao no ano 2000 tiña 8.982 habitantes dos que 4.261 eran homes e 4.721 eran mulleres e no ano 2010 tiña 11.062 habitantes dos que 5.209 eran homes e 5.853 eran mulleres... Así pois según o padrón do 2010 a vila do Carballiño ten 11.062 habitantes e o concello do Carballiño ten 14.136 habitantes...
  O número de habitantes da vila de Carballiño multiplicouse por 37 no periodo que vai dende 1926 ata 2010. Un crecemento realmente espectacular...
  
• 18-11-2011.- Comida de despedida da secretaria do Xuzgado número 1 do Carballiño Dona Beatriz Pajares Serna. Palentina. Vaise para Ourense. No restaurante a Maquía. Discursos: Xosé Prada, Francisco de Castro (que falou por primeira vez, por mor da ausencia nesta ocasión de Luis Rúa), Ana, Marquina... e a propia homenaxeada, Bea, moi emocionada. Ambiente desenfadado e informal. Un lugar fermoso para vivir bonitos momentos con arrecendo de amizade, ledicia e festa. Un día dos que vale a pena gardar coidadosamente no corazón.
• 12-11-2011.- Incendio no Edificio Magariños, no centro da vila do Carballiño. Arredor das doce do mediodía empezou o lume. Arderon as escaleiras do edificio. Encheuse todo de fume. Hai seis feridos ingresados, dous deles graves. Entre os feridos están dous policías locales que entraron no edificio para sacar xente que quedara atrapada polo lume; conseguiron sacalos, pero contan que os dous policías nada mais chegar con feridos á rúa e caeron ó chan. Arriscaron as súas vidas. Foron ingresados no hospital con síntomas de intoxicación por fume, pero din que agora xa están fora de peligro. Un dos feridos foi concellal do PSOE na Vila do Carballiño, nos tempos nos que Pachi Vázquez era Alcalde. Pachi Vazquez suspendeu os seus actos electorais previstos para esta fin de semana. A amizade está por enriba das urxencias electorais.
  Todos os veciños do edificio foron desaloxados. Algúns teñen outra vivenda. Outros van a dormir na casa de familiares ou amigos. E outros pasarán a noite na Residencia do Tempo libre...
  Todos estamos tristes e conternados. Con ganas de chorar. Pero con esperanza. Desexamos e agardamos que os feridos se recuperen...
• 5-10-2011.- www.galicias.com chega a 25 millóns de visitas.
• 23-10-2011.- Despois de moitos días de sequía... hoxe, por fín, chove no Carballiño.
• 23-10-2011.- Andaina fotográfica polo camiño dos arrieiros, organizada por rillamillas, potiños e veciños de Partovia. Asistiron arredor de 50 persoas. Fermoso recorrido. Temperatura perfecta para camiñar. E bo ambiente.
• 12-10-2011.- Festa do Pilar. Garda Civil, Policía Local, personal de correos... Misa solemne na Veracruz: festa de música, luz e palabra. A igrexa ateigada de xente. Autoridades e pobo. Cerca do final da misa ofrecéuselle á Vixe unha coroa de loureiro en memoria dos gardas civís mortos por defender a paz e a democracia. Soaba música de fondo. Moita xente choraba. O silencio estaba cheo de emoción. Houbo tamén moitos agradecementos. E poesía. Homes, mulleres, nenos... Cheiraba a concordia e a vida. Foi algo realmente fermoso.
       Logo a festa seguiu na Sala de Festas Paulino. Comer, beber e conversar... Días coma este fan que este planeta no que moramos valga a pena.
• 11-10-2011.- Levamos xa unhas cantas semanas de bo tempo. Da gusto ver as rúas do Carballiño cheas de xente paseando e conversando. E as prazas cheas de nenos xogando, corrende de aquí para alá, rindo a cachón... Cheira a festa e ledicia. O sol énchenos a todos de vida... Este mes de septembro e o que levamos de outubro son dos mellores que lembro, polo que ó tempo climatolóxico toca.
• 16-09-2011.- Día de festa patronal no Carballiño. Venres. Por iso se adianta o día festivo para que non caia en sábado. E tamén se adiantou a feira a onte día 15.
       Hoxe celebramos o día do noso patrón: San Cibrao. Procesión e Misa Solemne. En galego. Concelebrada por máis de 25 sacerdotes. Con presencia de autoridades. A fermosa igrexa da Veracruz ateigada de xente. Unha moza le a primeira lectura, da carta de San Pablo a Timoteo. Outra moza le as preces, e remata pedindo por Don Adolfo Otero Landeiro, o mestre de canteiros, que dirixiu a materialización do soño do párroco Don Evaristo e do arquitecto Palacios convertíndoo nesta xoia de pedra e luz que é a Veracruz. Esta xoia que agora temos que coidar con cariño. E lembramos ó mestre de canteiros hoxe, recordando que morreu un día 16 de setembro de 1955.
       E segue a eucaristía. E na homilía, Don Miguel Angel fálanos da Veracruz, e de San Cibrao (bispo de Cartago, alá no norte de África, no século III, pero que dende alí tivo influencia na cristianización de España)... E fálanos tamén de que o noso párroco Don José Benito está cumplindo os seus cincuenta primeiros CINCUENTA anos como cura... E logo bota mau da primeira lectura para abordar a crise actual que tanto mal nos está facendo. E dinos que esta crise é un froito da codicia e do egoismo esaxerado duns poucos, que fan do diñeiro o seu deus...
       E remata a Misa e segue a festa. Charangas. Música. Terrazas cheas. Xente preparando a comida nas casas. Familias. Amigos...
  
• 23-07-2011.- ¿Pulpo ou polbo? ¿Pulpeiras ou polbeiras? O Carballiño prepara a súa festa. Hoxe, sábado pola mañán, hai cola na oficina de turismo. Fai un día estupendo. Soleado. Cheira a ledicia.

  A pulpeira da Gazpara explícalle a unha familia de Sevilla cómo se coce o pulpo. "...E ó final hai que deixalo repousar. Isto é moi importante...". Eles miran cara a pota onde ferve a auga... co pulpo dentro... E sorrín. No fondo dos seus pensamentos están xa saboreando un prato de pulpo... ¡Que rico! Nótaselle ás légoas que o están "disfrutando".

  Sexa pulpo ou sexa polbo... o importante é que esté rico, e co o comamos con bos amigos, acompañado dunha boa conversa...

  E a verdade é que ... como quera que se chame ... ¡Que ben sabe! ¡E que ben senta cando se comparte cos amigos!!

• 06-07-2011.- Con 101 anos de idade morreu hoxe don Manuel Souto Cacabelos. Gran persoa. Abogado insigne. Toda unha institución na comarca do Carballiño.
• 01-07-2011.- Morreu Dolores Iglesias Carrete. Profesora de filosofía no Instituto Chamoso Lamas do Carballiño. Unha persoa marabillosa que pasou por este mundo facendo sempre o ben, e que por iso deixa unha longa, longísima, ringleira de amigos. Gracias, Dolores.
• 28-06-2011.- Fai 50 anos publicouse a GUIA DO CARBALLIÑO, obra de DON JOSE FARIÑA JAMARDO, que foi secretario deste Concello. Dí nunhas das súas derradeiras follas "ESTA "GUIA DE CARBALLIÑO", OBRA DE FARIÑA JAMARDO Y DE SU RECONOCIDO AMOR A LA VILLA DEL ARENTEIRO, SE TERMINÓ DE IMPRIMIR EN LA IMPRENTA SAEZ, BUEN SUCESO, 14, MADRID, EL DÍA 28 DE JUNIO DE 1961, VÍSPERA DE LA FESTIVIDAD DE SAN PEDRO Y SAN PABLO". Este libro está esgotado, pero pódese consultar un exemplar do mesmo na Biblioteca Pública Municipal. Nel faise un bo retrato do Carballiño da época: xeografía, feiras, festas, deportes, vida cultural, balnearios, parque municipal, templo da Veracruz, productos típicos, industria, comercio, clima, tutismo, etc. E tamén ten o libro interesantes fotografías da época, feitas polo RIZO. E nel podemos topar tamén anuncios dos comercios e demáis establecementos que había na vila. En definitiva, este libro é un referente esencial para coñecer a historia recente da Vila do Carballiño.
• 22 de junio de 2011: Comida na Maquía. Xuices, secretarios, unha fiscal, avogados, procuradores, funcionarios, o tenente e varios membros da Garda Civil, un notario... Langostinos, vieiras, pescado, cabrito, postre, café, licores... e logo discursos.
        Empezou falando o Ilmo. Sr. Xuiz Don Manuel Marquina. Deulle a benvida ó novo Tenente da Garda Civil e máis ó novo secretario do xulgado número 2 do Carballiño, e logo falou dos homenaxeados: Don Joaquín, una garda civil que se xubila, do que destacou o seu sorriso e o seu bo facer, e Doña Cristina Villar Méndez, Secretaria Xudicial do Xulgado número 2 de O Carballiño, que se vai para Ourense. As palabras que lle adicou a Cristina foron moi garimosas: boa profesional, ben preparada, traballadora e eficiente, e, por enriba de todo, boa persoa. De verdade que me gustaría haber gravado as verbas que dixo porque foron realmente fermosas, fondas, e sentidas. Un discurso breve pero cheo de contido.
       Logo falou Don Luis Rúa, que xa ten ben tomado o posto de avogado maior do reino do Carballiño, que heredeu (en vida) de Don Manuel Souto Cacabelos... Luis estivo divertido como acostuma. Con soltura. E, entre veras e risas, ilustrounos e amenizounos...
        E despois falou Don Xosé Prada, en nome dos Procuradores... Ocurrente tamén coma sempre. Con dominio da escena. E tamén con palabras garimosas para Cristina, da que dixo, entre outras cousas, que irradia dozura, e que cando hai un problema busca sempre unha solución, sen preguntar quén ten a culpa.
  
  Finalmente tocoulle o turno ós homenaxeados. Cristina, moi emocionada, deu as grazas a todos. A verdade é que despois das alabanzas que acababa de escoitar tiña razóns de abondo para estar emocionada. As súas palabras foron interrompidas con calurosos aplausos en varias ocasións.
        E Joaquín, ainda que dixo que non era un gran discurseador... sorprendeunos a todos coa súa oratoria...
        Pra rematar chegaron os agasallos, os bicos, e os abrazos... Todo con arrecendo de festa.
       En fin, unha comida inolvidable: Amizade, agradecemento, conversas, sorrisos, bágoas (de emodición), regalos, fotos... e sobre todo un feixe de xente boa, que se leva ben, e que dende fai tempo traballa en harmonía para que a Xustiza funcione no Carballiño, para ben de todos, incluídos ¡os course! os xusticiables ou os cidadáns (que cicais sexa unha palabra mais intelixible).
       Da gusto ver qué "bo rollo" hai no mundo xudicial nas terras carballiñesas.
       E da gloria palpar o moito que se lle quere aquí a esta rapaza de Castrelo do Miño que se chama Cristina Villar Méndez, e que gañou por méritos propios o recoñecemento e o cariño do persoal do seu xulgado, do xuíz, dos procuradores, dos avogados... e de todo o mundo. Unha vez máis está claro que se colleita o que se sementa. ¡Noraboa Cristina! E que sigas sendo así de boa e que sexas feliz no teu novo destino. ¡Telo merecido!
• 29-05-2011.- Misa solemne na Veracruz en lembranza de Don Evaristo, para recordar que este ano se cumplen os 50 anos dende o seu falecemento. Presidida polo Excelentísimo abade de Oseira, que falou con voz agarimosa, fonda, penetrante... transmitindo paz, fe, esperanza e luz... sendo capaz de acalar ó instante os choros de Zaida, unha nena que se ía bautizar, somentes pronunciando suavemente o seu nome dende o púlpito... O templo estaba ateigado de xente. Algúns concellais sentados nos bancos das autoridades. Don José Benito aparecendo nun discreto segundo plano, deixándolle o protagonismo ó excelentísimo abade de O seira. Os bancos cheos. Xente de pé. Silencio total. Chega a consagración. Unha muller axeónllase no chan, sobre a dura pedra, cos ollos pechados... Remata a consagración. A banda toca o Himno Galego que enche o templo facendo bailar as lembranzas máis antigas... A luz acarica a pedra dos arcos da bóbeda que se miran uns a outros sorrindo docemente. A muller sigue axionllada, cos ollos pechados... rezando, pensado na súa vida complexa, chea de contrapuntos, de claroscuros, de sendeiros sementados de bicos, de camiños rotos, e de soños de moitas cores (vividos, segados... e outros ainda por acariciar...)... A misa segue. A voz do abade toca suavemente o cerne das pedras rústicas que por separado apenas valen nada pero que xuntas dan corpo e forma a esta magna Igrexa da Veracruz... Unha moza, filla dun multimillonario, está de pé, cun neno en brazos. Non ten sitio para sentarse. E naide llo ofrece. Nin ela o pide. Aquí ela é unha mais, unha cristiana que reza, e que quere ensinar ó seu fillo a rezar... Non importan os cartos nin as posesións. Aquí, neste momento, todos somos iguais... A outra muller sigue cos xeonllos na pedra dura e fría... Un home bota unha moeda nun lampadario e acéndese unha vela. Él, cos ollos pechados, pídelle a Deus que axude a esa persoa tan querida que está pasando un momento moi dificil... O neno que ainda non sabe que é neto dun multimillonario mira para a cúpula da Veracruz a sorrí, buscando con seus ollos inocentes a fonte de tanta luz... A muller que estaba axeonllada ponse de pé. O abade segue envolvendo as almas coa súa voz. No aire pálpase a presencia do Espiritu Santo. Está claro que o exemplo e o espíritu Don Evaristo ainda andan por aquí...
• 22-05-2011.- O PP gaña as eleccións municipais no concello do Carballiño, con maioría absoluta, pasando de 5 a 9 concelleiros. O PSOE queda con 7 e o BNG con 1.
• 17-04-2011.- Hoxe cúmprense 50 anos dende o falecemento de Don LUCIANO EVARISTO VAAMONDE DA CORTIÑA, que morreu o 17 de abril de 1961. Don Evaristo foi párroco do Carballiño durante 30 anos. Home de fe. Amigo dos nenos, protector dos pobres, promotor do Templo da Veracruz... Moi querido no Carballiño. Un home Santo para moitos dos veciños deste Vila. Tivo un soño, e creeu nel, e conseguiu que o pobo creese tamén nese soño, e que se xuntase para facelo realidade: así se levantou o templo da Veracruz, a "gran Catedral da Pedra e da Luz" que fai grande esta vila de Carballiño, soñada por Don Evaristo, proxectada polo arquitecto Don Antonio Palacios, e executada maxistralmente polas mans do constructor Adolfo Otero Landeira e dos arredor de cen canteiros que traballaron con él. Posiblemente a obra relixiosa máis importante feita en Galicia durante o século XX...
• 31-03-2011.- Hoxe, último día de marzo, Dona María del Pilar Rodriguez Bugallo, rexistradora da propiedade de Negreira, deixa o Rexistro da Propiedad do Carballiño, despois de haber pasado case dous anos e medio atendendoo como interina. Chegou aquí un día 6 de outubro de 2008, un mes antes de que Obama gañara as eleccións en USA. Ela chegou en silencio e púxose a traballar. Non se fixeron eco deste asunto nen os periódicos, nen os telediarios, nen tan xiquera as revistas do corazón... ¡Grazas a Deus!. Porque o mellor que lle pode pasar a un Rexistrador da Propiedade é que o seu traballo pase desapercibido, porque iso quere decir que os documentos se rexistran sen problema, e que todo se desenrola con normalidade. E isto é precisamente o que os cidadans precisamos: que as cousas funcionen ben.
       O que vai ben non é noticia e non sae na prensa. E debe ser así, porque se todas as cousas boas que suceden cada día saísen na prensa os periódicos serían enciclopedias... Porque, ainda que pareza mentira, neste noso país hai moitas cousas que funcionan ben. O que pasa é que mentres van ben non nos damos conta.
       E isto foi o que pasou con Dona Pilar: traballou en silencio, rexistrou documentos, resolveu moitos asuntos... sen facer barullo... Con criterios ben formados, claros, firmes e razoables... Dando respostas previsibles. Buscando solucións para os asuntos cotidianos da xente.
      E por iso chegou, traballou, e foise case sen que nos désemos conta... Nestes dous anos longos pasaron moitas cousas no mundo... pero para o Rexistro da Propiedade do Carballiño foron tempos tranquilos. Polo menos así foi como eu o vivín: como un remanso de paz. ¡Grazas Pilar!
• 25-02-2011. Xa está rematado o derrubamento do edificio Lérida.
• 23-02-2011.- Cúmprense trinta anos dende o golpe de estado (fracasado) de Tejero, Milans del Bosch e compañía. Todos lembramos perfectamente onde estabamos aquel día e qué estabamos facendo cando nos enteramos da noticia. ¿Cómo sería a nosa vida se o golpe non houbera fracasado? ¡A libertade é impagable!
• 22-02-2011.- Empeza o derrube do edificio no que estaba o bar Lérida.
• 14-02-2011.- O bar Lérida pecha as súas portas.
• 30-12-2010: No Casino do Carballiño: mesa redonda encol do tema do entorno da Veracruz. Entre os asistentes predomina a idea de que o proxecto actual de facer unha praza de formigón arredor da Igrexa non gusta... e que é preciso facer outro proxecto que sexa máis acorde coa estética do Templo. E para iso vese conveniente lograr o consenso entre todas as forzas políticas, a Igrexa, e as diferentes organizacións sociais que se interesan polo tema. A Veracruz é o símbolo do Carballiño e debemos coidalo e respetalo. Agradeceránnolo os nosos descendentes.
• 17-12-2010: Barazal. Arredor de 50 persoas participan na comida de xubilación de José Meiriño, funcionario do xuzgado do Carballiño. Axente xudicial. Xuices de Carballiño, Ribadavia e Ourense. Secretarios de xulgado. Funcionarios de ámbolos dous xulgados. Abogados. Procuradores. Un notario... Un feixe de xente boa. Cando rematou a comida empezaron os regalos. E os discursos. Bea, que é de Castela, falou en galego. Ana, moi emocionada, case con bágoas nos ollos, tamén amosou o moito que aprecia a Pepe. Luis Rúa exerceu de decano dos avogados. E José Meiriño respostou con palabras moi pousadas, manifestando sen complexos a súa condición de creente, e citando a San Pablo e a quen fixo falta, para decirnos que ser bo vale a pena, e que todos podemos cometer fallos ó longo da nosa vida, e que, nese caso o que procede é pedir perdón. Como o pediu el, polas veces que sin querer poidese ferir a algén. Así falou o homenaxeado, serenamente, coa liberdade que dan os anos. Abofé que me gustou o discurso de José Meiriño. E quén me dera telo gravado que volo poría aquí íntegro, porque, de verdade, valería a pena.
• 26-10-2010: Morre o pulpo Paul.
• 03-08-2010: Na Plaza Maior do Carballiño prepárase un plato de pulpo de 2,20 metros de diámetro coa intención de entrar no records GUINESS, como o plato de pulpo máis grande do mundo. Arredor das 8 da tarde seis pulpeiros (cinco homes e unha muller) empezaron a picar con arte e maestría centro vinte kilos de pulpo, e en aproximadamente cinco minutos tiñan o gran plato cheo. había cámaras de varias televisións, fotógrafos e periodistas de varios medios, e un numeroso público. O evento foi promovido pola Asociación de Amigo do Pulpo Paul. O pulpo foi doado por un empresario carballiñés. E no acto, ademáis dos organizadores e do empresario que donou o pulpo, estiveron presentes tamén o Alcalde do Carballiño e varios concelleiros. Despois o pulpo foi repartido de balde entre o público asistente. Facía unha tarde fermosa, con boa temperatura, e as rúas do Carballiño enchéronse de xente. Nas terrazas da Principal non se topaba un sitio libre.
• 23-07-2010: O avogado do Carballiño DON MANUEL SOUTO CACABELOS cumple cen anos. O Colexio de avogados de Ourense celébrao cun acto na casa do Concello e cunha comida no Barazal, na que compartimos ledicia e conversa arredor de 60 persoas. Un día fermoso.
• Xuño-Xullo de 2010: A Selección Española de fútbol gaña o MUNDIAL. Desátase a ledicia en todas as cidades, vilas e aldeas de España. As rúas énchense de xente con bandeiras, camisetas e símbolos da selección. É posible que sexa a noite na que mais xente está de festa ó mesmo tempo en toda España, celebrándo o mesmo acontecemento.
  Previamente un pulpo que hai nun acuario de Alemaña -o pulpo Paul- predecira os resultados de varios partidos, entre eles o da semifinal que España lle gañou a Alemaña e o da final que lle gañamos a Holanda, por un a cero, e na prórroga.
  Veleiquí o que lle conta un carballiñés a un amigo que está de viaxe pola Arxentina:
  " Xa sabes que España gañou o mundial. O partido paralizou totalmente o pais durante unhas horas de bágoas, uñas comidas, e finalmente ledicia... E logo festa rachada.
  E supoño que xa sabes que hay un pulpo alá pola Alemaña que predeciu os resultados, e entre eles predecíu que España lle ía a gañar a Alemaña e que España lle ía a gañar a Holanda...
  A portada da VOZ DE GALICIA do día seguinte á final decía a TODA PAXINA "ganamos el mundial por el pulpo"...
  Pois ben, o Carballiño, patria mundial do pulpo, está aproveitando moi ben esta propaganda gratis... En preriódicos, televisións, radios... fálase de que existe unha vila en España, en Galicia, chamada O CARBALLIÑO, onde se celebra cada ano a FESTA DO PULPO, e que esta vila acordou nomear ó PULPO PAUL amigo predilecto da vila, que acordou tamén que o seu alcalde viaxe a Alemaña para ver se lle deixan traer ó famoso pulpo para que visite a Vila na festa do pulpo deste ano, ... que un empresario do Carballiño ofreceu 30.000 euros polo pulpo Paul,... que se invitou ós periodistas de Telecinco a unha pulpada.... da que sairon imaxes na propia telecinco, que se invitou á selección española para que veña á festa do pulpo deste ano.... e mil cousas mais...
  Busca se queres no google "o carballiño pulpo paul" e verás...
  
  Por outra parte, o do pulpo ten certa miga:
  O pulpo ten 8 pes.
  O pulpo Paul fixo 8 prediccións.
  Fai 80 anos que comenzou a xogarse o mundial de futbol.
  España marcou 8 goles, é o 8º pais que gaña a copa do mundo, e o gol da final marcouno INIESTA (que no Barça xoga co número 8) no minuto 116>1+1+6=8.
  Lóxicamente a festa do pulpo deste ano celébrase o día 8 do mes 8. E por suposto esta é a 48 edición da festa do pulpo.
  
  E non sei se te deches conta de que xa alá polo mes de xaneiro a AGORA DO ORCELLON xa lle cheiraba que algo disto ia pasar: por iso a portada do número 19 da revista (9-1=8) está en cor roxa (LA ROJA) e ten no medio un debuxo de Pulido... ¿Qué se ve nese debuxo?... Pois nin nin menos ca ¡UN PULPO! ¿Será o pulpo Paul?. Dende logo véndoo con calma e vendo as imaxes que están saindo do pulpo Paul está claro que se non o é polo menos paréceslle moito..."
  
• 22-05-2010: Fai 50 anos Raúl Abraldes e Rosita Iglesias casáranse na igrexa do Centro, no Carballiño. Era o día 22 de maio de 1960, día de Santa Rita. Luciano Evaristo Vaamonde, o crego promotor do tempo da Veracruz, celebrou a ceremonia da boda. E despois de 50 anos, Raúl e Rosita, seguen vivos, e seguen xuntos, e celebran, xunto ca súa familia e amigos, as súas bodas de ouro. Todo un exemplo de constancia, fidelidade, esforzo... E ó final da misa as súas catro fillas cantan xuntas unha canción que di: "Gracias a la vida, que nos ha dado tanto..." No aire bailan contentas e xoguetonas as bágoas da emoción...
• 18-05-2010: O Carballiño participa na iniciativa promovida pola Unión Internacional de Fotógrafos: PON UNHA FOTO NA RÚA.
• 18-05-2010: Empezan as obras do edificio que da á praza dos hirmán Prieto, á Alameda e á rúa Norte.
• 08-02-2010: Morreu Don José Villar, un dos fundadores do grupo "OS TRECE ENXEBRES", que foron pioneiros en organizar unha cabalgata de reis e un desfile de entroido na vila do Carballiño.
• 28-01-2010, xoves: O IES MANUEL CHAMOSO LAMAS de O Carballiño, organizóu dúas sesións teatrais en inglés no Auditorio Multifuncional do Carballiño.
  Empezouse coa obra "Z Factor”, que se representou de 10.30 a 11.30 da mañá para os alumnos de 1º e 2º de Secundaria.
  Logo seguiu a obra "Clever Cupid", para os alumnos de 3º e 4º de ESO, para Escola Oficial de Idiomas, Adultos, e Ciclos.
  Dúas comedias interactivas, representadas en inglés por tres actores nativos ingleses.
  Asistiron alumnos do IES CHAMOSO LAMAS, do IES Nº 1 de Carballiño, da Escola de Idiomas, dos colexios Sagrado Corazón e Vila do Arenteiro, dos CPI de Maside e de Cea. En total máis de setecentos alumnos, cos seus correspondentes profesores.
  Os actores divertíronse un montón, e os alumnos asistentes tamén. Non soaron os móbiles, pero si as risas e os aplausos, sobre todo cando os actores fixeron participar a algúns dos integrantes do público. Os alumnos tamén gozaron moito cando os actores interpretaron un musical, cantando cancións divertidas.
  Todas as obras foron representadas polo grupo CLEVER PANTS. Grazas á financiación concedida polas entidades bancarias CAIXA GALICIA, CAIXA NOVA e LA CAIXA, a asistencia foi totalmente gratuita para os alumnos. A organización por parte do Instituto Manuel Chamoso Lamas foi un éxito e a resposta dos restantes centros foi magnífica. Todo o mundo quedou moi contento, e os alumnos expresaron o seu agradecemento e o seu desexo de que o ano que ven isto se volva a repetir...
• 22-12-2009: Este ano Papá Noel trouxolles ós nenos de Carballiño uns columpios novos, que hoxe mesmo acaban de instalar na Alameda.
• 20-12-2009: Presentación en Vigo do libro "O CAMIÑO, do Cebreiro a Santiago", de varios autores, entre os que figura o Notario do Carballiño Juan Rúa. Foto. A noticia na Voz de Galicia.
• 16-12-2009: Xa remataron as obras de empedrado das rúas Vulcano e Cánovas del Castillo. O corazón do Carballiño xa é zona peonil. Gústame!. A rúa do paseo, a praza dos Hirmáns Prieto, a rúa Perfectino Vieitez, a rúa Cánovas del Castillo, a rúa Vulcano, os márxenes da Paza Maior, parte da rúa Margarita Taboada, a Praza das Galiñas, a Praza de Emilia Pardo Bazán... Todo isto forma un conxunto para camiñar e para vivir... Creo que nisto imos por bo camiño.
• 16-12-2009: Nevou en Carballiño. Para ledicia dos nenos. E suspenderonse as clases durante o día de hoxe en toda Galicia. ¡Para ledicia dos nenos! e dos profes?.
• 06-12-2009: Leva varios días chovendo sen parar.
• 28-11-2009: Están xa bastante avanzadas as obras de empedrado da rúa Cánovas del Castillo. Gústame que a fagan peonil. E tamén parece que vai quedar empedrada a rúa Vulcano... ¿Coa pedra vella que se descubriu debaixo do asfalto ou con pedra nova?.
• 27-11-2009: Cena mensual de Potiños, co habitual concurso de fotos. Desta vez o tema era CHOIVA, e a foto que gañou foi unha de Juan Rúa, con 13 votos.
• 25-11-2009: Presentación en Ourense do libro de Xosé Benito Reza O MACIZO CENTRAL OURENSÁN. Entre os asistentes ó acto atopábase o notario do Carballiño, Juan Rúa, que naceu en Camba (Laza), e que aparece citado en varias páxinas do libro, no que hai tamén duas fotos del. Tamén Xosé Benito fixo varias referencias cariñosas a Juan Rúa durante a intervención que fixo para presentar o libro. Todo isto está relacionado cunha viaxe que fixeron un sábado de fai cinco ou seis anos xuntos polas terras altas de Camba o autor do libro, Xosé Benito, e máis Juan Rúa. O relato desa viaxe é unha das cousas que se recollen no libro.
• 16 de novembre de 2009: Inauguración da exposición CAMIÑO, FOTO E PALABRA, do veciño do Carballiño Juan Rúa, na SALA DE EXPOSICIÓNS de CAIXANOVA do Barco de Valdeorras. Alí se pode ver dende o 16 ao 30 de novembro de 2009. Horario: de 19:00 a 21:00, de luns a sábado, ambos incluidos. Son 21 fotos do Camiño de Santiago. Cada foto leva escrita unha frase ou pensamento. Así comenta o autor esta exposición:
  
                                       EXPOSICIÓN: “CAMIÑO, FOTO E PALABRA”
       O Camiño de Santiago é un camiño exterior e interior. Pés, corazón e alma. A compañía, a soidade, a música, o silencio, o frío, a calor, a auga, a sede, a fame, a fartura, a dor, a ledicia, a sombra, a luz, os soños, as pedras, o lusco fusco, o amencer, as caricias do vento, o arrecendo da lúa chea... no Camiño cada momento é diferente. Pero vívense todos con intensidade.
       Alí hai tempo para rir e para chorar, para morrer e para renacer, para sementar soños e para velos medrar... Para mirar, para escoitar, para falar... E para estar calados, en silencio, aprendendo a convivir con un mesmo.
       A foto, a palabra, e sobre todo o latido que non se ve na foto e o silencio que non se reflexa na palabra... todos forman parte do Camiño...
       O Camiño, como a vida, é tamén un tobogán de estrelas e soños, de olladas e abrazos, de encontros e despedidas... Por iso remato cunha frase que me escribiu en maorí Bárbara, unha muller de Nova Zelanda: "Haere mae, haere ra, kia ora". Dito en castelán: "Nos encontramos, nos saludamos, nos decimos adios”. E en galego: “Atopámonos, saudámonos, despedímonos”.
  
        Por certo, o colectivo dos POTIÑOS participa neste Outono fotográfico 2009 con 7 exposicións individuais.
  
• Venres, 6 de novembro de 2009. Morreu Carlos. Choramos porque morreu. Damos gracias porque viviu.
  Carlos Huelin Trillo. Fillo. Pai. Esposo. Amigo.
  Banco. Gestoría. Comparsa. Peña deportivista. Grupo de Danzas e Gaitas "Vila do Orcellón"... Unha vida fecunda. O que se da de valde non morre nunca. Carlos sementou. Quedan os feitos. Quedan os froitos. Queda o agradecemento.
  (Axudounos a moitos en moitas cousas. Por exemplo, Carlos foi o que me ensinou os primeiros pasos para facer esta web).
  Bágoas. Silencios. Abrazos. Flores. Oracións. Miradas. Pensamentos. Lembranzas. Palabras entrecortadas...
  Era moi novo. Non somos capaces de entendelo. Rezamos. No medio da noite pecha vemos unha pequena luz, choramos pola súa morte, e damos gracias pola súa vida... ¡Gracias, Carlos!. ¡Gracias, Maika!. ¡Gracias!
  O que se da non se perde.
  O ben que se fai ¡vive para sempre!
• Domingo, 1 de novembro de 2009, día de "todolos santos". Co periódico LA REGIÓN sae coma cada mes a revista AURIA. E por terceiro mes consecutivo a foto da portada é obra dun membro da Asociación fotográfica O POTIÑOS, do Carballiño. Esta vez é de Hector Guzmán. Foto dun camposanto. ¡Tema perfecto para o día no que andamos!. E dentro hai un artigo de José Luis Diz falando dos cimenterios e máis fotos dos Potiños para ilustralo.
  No número do mes pasado as fotos eran do tema da vendima, e a portada foi de Mila. E no anterior eran fotos de espantallos e a da portada era de Luisa.
  Por certo, os Potiños tamén andamos traballando para facer un libro de fotos dos nove concellos da bisbarra do Carballiño, que vai editar a Fundación Comarcal. Ademáis de estar presentes con sete exposicións no Outono Fotográfico que empeza hoxe.
• Xoves, 29-10-2009, apertura do enlace do Carballiño e Maside coa autovía de Santiago. Día histórico para a comarca, segundo os políticos. Reduce a distancia e o tempo con Ourense. O traxecto pode cubrirse en menos de vinte minutos. Cáculase que polo vial circulará unha media diaria de nove mil vehículos. Son 5, 2 quilómetros de trazado de dobre carril, en cada sentido. As obras custaron máis de trinta e seis millóns de euros.
  Inaugurou o enlace o presidente da Xunta,.Alberto Núñez Feijóo. Acodiron ó acto numerosos cargos públicos do PP e os alcaldes da comarca. O de Maside, Celso Fernández, reclamou unha conexión con Cenlle e San Amaro e a gratuidade do tramo de autoestrada entre Lalín e Santiago.Os socialistas, horas antes, reclamaron o seu protagonismo. Lembraron que foi o bipartido da Xunta, presidido por Emilio Pérez Touriño, quen liberou de peaxe a A-53. (Crónica de Pilar Abraldes)
• 10-10-2009: No Carballiño andan en obras na rúa Cánovas del Castillo. ¿Será verdade que a van peatonalizar? A min gustaríame. Son un defensor acérrimo da peatonalización de todo o centro das vilas e cidades.
• 10-10-2009.-O BOE publica o "Real Decreto 1559/2009, de 9 de octubre, por el que se nombra Fiscal Superior de la Fiscalía de la Comunidad Autónoma de Galicia a don Carlos Varela
  García".
  Por segunda vez consecutiva o carballiñés DON CARLOS VARELA GARCÍA é nomeado para este cargo. O seu anterior nomeamento para este mesmo cargo publicárase no BOE do 19 de xullo de 2004.
• Septembro de 2009: Enrique Aldaz Riera, que foi notario do Carballiño, ven de publicar un ameno libro de contos que leva por título EL CONDE LUCANOR DEL SIGLO XXI.
• 03-08-2009: "En memoria de Basilisa González Bernárdez, "Basi".
  La muerte nos lleva a todos nosotros. Aún así, el día tres de agosto, nos cogió de sorpresa a todos, amigos y vecinos, el fallecimiento, a la edad de 83 años, de nuestra querida “Basi”.
  “Basi”, como se conocía familiarmente, fue buena esposa, madre y abuela. Querida por todos los carballiñeses y forasteros que se hospedaban en el Hotel Esclavo, fundado por sus padres y que ella supo engrandecer, como gerente. Creó puestos de trabajo. Fue una gran hostelera y, al mismo tiempo, destacó como una excelente cocinera.
  Con su muerte, se va la sonrisa de “Basi”. Yo nunca olvidaré su buen trato. Y en la memoria de muchos perdurará su generosidad; en especial, con los más desfavorecidos, a quienes siempre socorrió.
  Descanse en paz, "Basi"". (Raúl Abraldes)
• 15-07-2009: Procesión do Carme no Carballiño. Alcalde, concellais, autoridades. Cofradía. Banda. Imaxe. E sobre todo xente, moita xente... Retiraron as mesas das terrazas. Todo quedou en silencio. E a Virxe subíu pola rúa Principal. Eran as once e pico da noite. Don José Benito interrumpiu as súas vacacións para asistir á procesión. É moita a devoción que lle teñen no Carballiño á Virxe do Carme. Gustoume.
• 10-07-2009: Na Carballeira da Santa Cruz, comida homenaxe á fiscal dona María del Carmen Eiro Bouza. Non era unha despedida senón unha festa de agradecemento. Fiscais, xuíces, secretarios, avogados, procuradores, persoal do xulgado, un notario... alí estaban un montón de amigos. Houbo regalos. E discursos. Luis Rúa, Xosé Prada, Ana... falaron dende o corazón. Directo. Sen retóricas. Boa profesional. Boa persoa. E sementadora de sorrisos. Contestou a homenaxeada dando as grazas e recordando que o importante é que se consiga facer "xustiza material".
        "Carmen: Foi moi bonito o que che dixeron e o que dixeches. Ó final vai resultar que ser boa persoa compensa. Sigue co teu sorriso e coa túa busca da XUSTIZA MATERIAL (=a de verdade) durante toda a túa vida. Vale la pena".
• 7, 8, 9 e 10 de xullo: Por noveno ano consecutivo celebrouse o curso de termalismo no Carballiño. Mozos e mozas, estudantes de fisioterapia, bioloxía, turismo, química... aprenderon, divertíronse e conviviron... Uns bos días para decatarse de que a auga é fonte de saúde. .
• 28-06-2009: O grupo de senderismo rillamillas xunta 69 persoas para a súa andaina de peche de curso polas Illas Cíes.
• 27-06-2009: acto oficial no auditorio de Cangas para a entrega ó carballiñes Don Carlos Varela García do seu nomeamento como FILLO ADOPTIVO DO CONCELLO DE CANGAS. Discursos. Emoción. Poesía. Música. Palabra. Un acto fermoso e emotivo.
• 04-06-2009: Clausura da escola de pais e nais do ano 2009.
• 30-05-2009: O Grupo de Teatro TIRULEQUE representa no Auditorio do Carballiño a súa obra CLUB PK2, COMEDIA DE CRIMES E SEXO. Unha absurda e atolada comedia, sementada de crimes ata o punto de que todos os personaxes acaban mortos... Todo se desenvolve nun putiferio... Nela plásmase unha crítica directa de moitas das hipocresías que agocha a nosa sociedade arredor de temas como a prostitución e a homosexualidade... Sexo, crímes, e crítica social... pero non en todo de filosofía nin de traxedia, senón en tono de comedia procaz e divertida, de tal xeito que incluso a morte da risa, e todos se rin de todo, incluso de sí mesmos... Os diálogos son directos e divertidos... E o público rí, goza, aplaude, e incluso nun momento se medioasusta pensando que calquera pode acabar tendo que sair ó escenario para representar o papel de gay ou de lesbiana... "vaia susto"... Todo é esperpéntico, ata o punto de que o autor da obra fai o papel de borrachiño e non para de rirse de sí mesmo...
  O auditorio estaba cheo a reventar... E o público aplaudiu a rabear cando tocaba e incluso en algúns momentos nos que teóricamente non tocaba... Con un público totalmente entregado... os actores tamén disfrutaron, e non do sexo, senón do teatro...
  Noraboa!
• 29-05-2009: Manuel Rodríguez Zarraquiños. Hoxe era o seu día. E por iso estaba elegante. Radiante. Ledo. Estivo arredor dun ano no Carballiño. De secretario do Xulgado número 2. Contan que facía, travallaba, resolvía... case sen que se notase, sen facer apenas ruído... No Barazal fixémoslle a comida de despedida. E de homenaxe. E de agradecemento. Con discursos. Luis Rúa reivindicóu o seu posto como sucesor de Don Manuel Souto Cacabelos, hoxe ausente, por razón de idade... Perfecto... Perfecto Luis Rúa. Elocuente. Divertido. Son moitos anos falando... Nótanselle as "tablas"... Respostou o homexaeado, con moito siso e cordura... Palabras serenas, fondas, emotivas... E logo Diego, da saga Rúa, dixo tamén unhas breves palabras en nome dos procuradores... Tamén houbo regalos. E bágoas. Sí. Máis dunha funcionaria regou con auga salgada as súas meixelas... Nótase que Manolo se fixo querer. Cicáis esta sexa unha das razóns mais importantes para felicitalo... Noraboa!. E que a vida che depare moitos días de ledicia.
• 21 de maio de 2009: hoxe, por fin, tiven tempo para ir camiñar á noitiña para estrenar a senda do río Arenteiro, que xa leva aberta un tempiño... Sain dende ó Balneario, río arriba, ás nove da noite. Fun ata a Ponte de Veiga, frente ó cuartel da Garda Civil. E logo baixei río abaixo ata chegar á Fábrica do Papel, onde crucei o río, para ir ó Muiño das Lousas. Logo voltei de novo río arriba, atravesei o Parque Municipal, e volvín a chegar ó Balneario arredor das dez e media. Supoño que andiven arredor de sete kilómetros. Un fermoso paseo. Todo un luxo para o Carballiño. Un pulmón arredor do río Arenteiro. Unha garantía de futuro. A expropiación e o acondicionamento das marxes do río Arenteiro na Vila do Carballiño é para min unha das obras mais importantes para esta Vila dos últimos tempos, unha obra mirando ó futuro... con vistas a longo prazo... Gústame!!.
• 15-05-2009: comida de despedida de Dona María Lourdes Soto Rodríguez, secretaria do Xulgado do Carballiño. Estivemos agusto, nun ambiente de ledicia e harmonía. Aquí tedes unha foto dalgúns dos que estiveron alí. Había moitos mais, peros estes son os que quedaron ata o final.
• Maio do ano 2009: xa se pode circular pola autovía dende O Carballiño a Ourense. Xa está aberto todo o tramo dende Ourense a Lalín, libre de peaxe. Unha boa nova para tódolos galegos, especialmente para os de Ourense...
• 25 de abril de 2009: Manuel Vázquez Fernández, más conocido como Pachi Vázquez (nacido en Carballiño en 1954) fue elegido secretario general del PSdeG-PSOE en un congreso extraordinario celebrado en Pontevedra.
• 02-04-2009: Hoxe, arredor das 21 horas, galicias.com chegou a 10 millóns de visitas... ¡Graciñas a todos!.
• 27-03-2009: No Casino Cultural do Carballiño tivo lugar a presentación do libro ‘Don Evaristo, párroco de O Carballiño y promotor de la Vera Cruz’, do que é autor o sacerdote José Ramón Hernández Figueiredo, natural de Castrelo de Miño. A asistencia de numero público é unha consecuencia lóxica do cariño a Don Evaristo que ainda se mantén vivo na Vila do Arenteiro.
• 27-03-2009: Don Manuel Souto Cacabelos. Mestre, avogado... Un mozo de 98 anos. Un home de fiar, dos que procuran a Paz Xusta... Hoxe, nun acto celebrado no Pazo de Xusticia de Carballiño impúxolle a Medalla de Ouro ó Mérito da Xusticia de San Raimundo de Peñafort. Alí estaba a súa familia, numerosas e importantes autoridades, os traballadores do xulgado, compañeiros avogados e procuradores, e moita xente que o quere. Alí estaba él, Don Manuel Souto Cacabelos, de 98 anos, que ainda sigue exercendo como avogado na Vila do Carballiño (esta mesma semana ainda participou como avogado nun xuizo). E alí estaba a súa dona, coa que leva casado dende fai ó redor de 70 anos (que ¡logo se dice!). Un acto fermoso, entrañable, emocionante, solmene e sinxelo, humano, cheo de cariño... Como Don Manuel merece... Os trámites para a solicitude da medalla empezaron hai dous anos... e, por sorte, como díxo él mesmo, Don Manuel, pasados estes dous anos, chegou vivo ó día de hoxe... E que Deus lle de moito tempo mais de vida, pois é unha destas persoas que fan que o mundo sexa un pouco mellor. !Noraboa, Don Manuel, con cariño e admiración!.
• 11-03-2009: Jubilouse Don José (Pepe), o oficial do Rexistro da Propiedade do Carballiño. O día 11 de marzo fíxoselle unha comida-homenaxe no Muiño das Lousas, á que asistiron antiguos rexistradores do Carballiño como Antonio Gelabert, Cristina Rollán, Maria Dolores Estevez Pórtoles... E tamén a Rexistradora actual, Maria Pilar, e a Rexistradora de Ribadavia, Francisca, e tamén a notario de Ribadavia (Ana Isabel) e un dos notarios do Carballiño (Juan Rúa). Tamén asistiros empregados de rexistros e notarías de O Carballiño e Ribadavia. A comida resultou moi amena. Houbo discursos e felicitacións. Foi una acto fermoso e ben merecido.
• 03-03-2009: Touriño dimite como secretario xeral do PSOE galego. ¿Quén será o seu sucesor? ¿Pachi Vázquez? A resposta o 25 de abril.
• 01-03-2009: Eleccións ó Parlamento de Galicia. O PP obtén a maioría absoluta, con 39 diputados. Por primeira vez un ourensán será presidente da Xunta: Alberto Nuñez Feijoo. (Pili Abraldes, con razón, faime un par de correccións: despois do reconto dos votos dos residentes ausentes o PP perde un diputado na provincia de Ourense en favor do PSOE. Queda o PP con 38, que siguen sendo maioría absoluta. E a outra é que xa tivemos un presidente da Xunta ourensán, se ben foi da Xunta preautonómica. Foi o valdeorrès Xosè Quiroga, falecido non hai moito. Moitas grazas Pili, así, entre todos, imos escribindo a verdade).
• 25-02-2009: No Carballiño andan a facer, moi pouco a pouco, unha obra que será de gran importancia para a Vila: o paseo polas dúas marxes do río Arenteiro. Un espacio público que é toda unha garantía de futuro. Unha obra pensada a longo prazo. Unha obra que algúns tildan de faraónica e innecesaria, pero que a min me parece unha grande obra, importantísima para o futuro desta Vila.
• 25-02-2009: Semáforos no Carballiño hainos dende fai moitos anos. Na estrada xeral, no cruce de Catro Camiños e no cruce da rúa Martinez Avellanosa coa estrada xeral Ourense Pontevedra. Pero dentro do casco da Vila, fora dises da estrada xeral, non había ningún. Agora acaba de poñelos na rúa de Conde Vallellano, no cruce que hai onde a rúa do Paseo. Pero ainda non os botaron a andar. Calquera día destes póñenos en marcha. ¿Facían falta?. Xa se verá.
• 24-02-2009: Entroido no Carballiño. Sol. Xente. Ledicia. Bo ambiente. Desfile de comparsas. Vistoso. Animado. Cerraba o desfile a comparsa de "tolos polo entroido". Moitos premios, coma sempre. Os catro primeiros foron: 4º O imperio de San Amaro; 3º Os piratas, da comparsa "tolos polo entroido"; 2º A comparsa da asociación cultural Lumareda; E 1º para Nochinrrio, da comparsa do Titanic. Noraboa a todos.
• 22-02-2009: Un ano máis, e xa van moitos, as comparsas da bisbarra do Carballiño volveron a destacar no carnaval de Ourense. A de San Amaro levou o premio á mais numerosa e o terceiro premio absoluto. A do Titanic levou o premio ó Rei do Carnaval e mais o segundo premio absuluto. Noraboa a todos eles e tamén os demais gañadores e a todos os participantes que animaron unha fermosa tarde de entroido, coas rúas ateigadas de xente.
• 06-02-2009: hoxe pola mañá volveu a nevar no Carballiño. Caían uns farrapos grandes de neve, que o vento suave bailaba polo ceo fresco. Logo asomou un pouquiño o sol. A neve foise pronto. Pero o día estivo frío. Agora, pola noite, nin frío nin calor: cero grados..
• 01-02-2009: no Carballiño abriron un NUNCA PECHA, nun pequeno local nos soportales da Alameda. Durante 24 horas ó día ofrece auga, refrescos, cafés, e outros artículos varios (ten incluso unha mini sex-shop), previa intoducción das correspondentes moedas na máquina que toque. ¡Hai que ver o que hai que ver!.
• 02-02-2009, luns: O IES MANUEL CHAMOSO LAMAS de O Carballiño, organizou tres sesións teatrais en inglés no Auditorio Multifuncional do Carballiño.
        Empezouse coa obra "Spectacular Spectacular", que se representou para os alumnos de 1º e 2º de Bacharelato, para Escola Oficial de Idiomas, Adultos, e Ciclos. Nela duas megaestrelas de Hollyiwood veñen a contarnos a historia do teatro: un grupo de Neanderthales contando historias. Unha traxedia grega. O Rei e o seu bufón. Os clásicos de Shakespeare. Os Musicais. ¿Qué teñen todos estes en común? Que todos forman parte dunha viaxe a través do teatro universal, onde os actores ofrecen a súa visión cómica de cada época. Esta obra estaba financiada por CAIXAGALICIA.
       Logo seguiu a obra "Derailed", para os alumnos de 3º e 4º de ESO. Unha versión divertida da novela de Agatha Christie, MURDER ON THE ORIENT EXPRESS. Un ladrón de diamantes sube a un tren, e un patoso inspector xefe tenta topalo. O tren está cheo de personaxes excéntricos, todos igual de sospeitosos. ¿Toparao?. De camio vaise estudando vocabulario de transportes, frases útiles para viaxar e... ¡cómo caer de pe cando o tren descarrile!
        Esta obra estaba financiada pola CAIXANOVA.
       E finalmente volveuse a interpretar esta mesma "Derailed", para os alumnos de 1º e 2º de ESO. Esta representación estaba tamén financiada pola CAIXANOVA. Esta obra representouse duas veces, pero adaptando a interpretación ó nivel de coñecemento de inglés que tiñan os alumnos asistentes en cada caso.
       Ó día seguinte, 03-02-2009, representaráse a obra "TARZAN", para os alumnos de 5º E 6º de Primaria, financiada pola CAIXA..
        Asistiron alumnos dos dous institutos da Vila do Carballiño, da Escola de Idiomas, dos colexios Calvo Sotelo, Sagrado Corazón e Vila do Arenteiro, dos CPI de Maside, Cea, Boborás, Beariz e Irixo. En total máis de mil trescentos alumnos, cos seus correspondentes profesores.
        Os actores divertíronse un montón, e os alumnos asistentes tamén. Non soaron os móbiles, pero si as risas e os aplausos, sobre todo cando os actores fixeron participar a algúns dos integrantes do público asistente. Os alumnos tamén gozaron moito cando os actores interpretaron un musical, cantando temas coñecidos dos alumnos.
        Todas as obras foron representadas polo grupo FACE 2 FACE. Grazas á financiación concedida polas entidades bancarias antes mencionadas a asistencia foi totalmente gratuíta para os alumnos, e os institutos e colexios so tiveron que pagar os autobuses empregados para os desprazamentos. A organización por parte do Instituto Manuel Chamoso Lamas foi un éxito e a resposta dos restantes centros foi magnífica. Todo o mundo quedou moi contento, e os alumnos expresaron o seu agradecemento e o seu desexo de que o ano que ven isto se volva a repetir...    
• 30-01-2009: Cena mensual dos Potiños na Gouxiña. Coma sempre cada comensal levaba unha foto, e logo todos votaron para ver cal era a mellor foto deste mes. Desta vez o tema eran fotos de galiñas. E gañou unha foto dunha galiña branca, obra de Juan.
• 24-01-2009: Un forte temporal afectou a toda Galicia. O Carballiño non se librou. Voaron moitos tellados. Algúns deles caeron sobre outros edificio rompendo tellas, uralitas, galerías... Caeron tamén os capuchóns dalgunhas chimeneas causando importantes destrozos. Varias rúas tiveron que ser cortadas. Caeu tamén a maior parte da valla que rodea o campo de fútbol do Espiñedo. E o pobo enteiro quedou sen hora, por que o temporal arrancou un dos reloxos do Concello, o cal, según contan, caeu enriba dun BMW que estaba alí diante, aparcado en raia amarela, nun sitio onde non se pode aparcar, polo cal non sei se lle pagarán os danos... O temporal deixou tamén a moitas casas sen luz eléctrica.
• 09-01-2009: O Carballiño amaneceu cuberto de neve. Para ledicia dos nenos e tamén de moitos non tan nenos. Xa facía moitos anos que nos se vía tanta neve na Vila.
• 27 de decembro de 2008: Inauguración da exposición VARIA VIARIA ás 17 horas no Auditorio do Carballiño, co gallo da chegada do tren a estas terras hai 50 anos. Organiza o Centro de Estudios Chamoso Lamas da Comarca do Carballiño, presidido por Rosa María Ricoy Casas.
• 17-12-2008: Frutos presenta un novo libro: O PADRÓN DE SAN CLODIO DE 1580.
• 04/11/2008: Obama gana as elección en Estados Unidos.
• 03/10/2008: Caladiño, sen facer ruido, foise Don Antonio Alcantara Martín. Rexistrador da Propiedade. Estivo aquí durante mais de dous anos. Chegou en silencio o 1 de marzo de 2006. Traballou. E pasou case desapercibido. Deu pouco que falar. O cal, tratándose dun Rexistrador da Propiedade, é unha grande virtude. Pois, os Rexistradores, coma os árbitros de futbol, son moi bos cando non teñen protagonismo, cando non se fala deles, cando o partido ou o rexistro se desenvolven con total normalidade, sen xogadas polémicas... Por certo, Don Antonio é moi bo, como persoa e como profesional. Sempre buscando solucións. E aplicando o sentido común. Ímolo botar en falta. Graciñas.
• 17-09-2008: Festa de San Cibrán no Carballiño. 11:30: procesión. Silencio. Respeto. Un dez. 12:00: Misa solemne. En galego. Presidida polo Sr. Bispo, Don Luis Quinteiro Fiuza. Na homilía falou da Veracruz (a obra de arquitectura relixiosa mais importante do século XX en Galicia), da festa do "pulpo", da importancia da vila do Carballiño e das súas xentes, da necesidade de que os cristiáns manteñan a unidade, da vida do Bispo San Cibrán alá no norte de África... Unha predicación das que aumentan a autoestima colectiva dos pobos. A Igrexa da Veracruz estaba ateigada de xente. Había, dende logo, máis de mil persoas. Entre os asistentes estaban os membros da Corporación Municipal (co sr. Alcalde ó frente) e outras autoridades. Un día de festa, cheo de luz. Fotos.
  
• 
• 16-09-2008: Seis da tarde. A Veracruz chea de xente. Dor. Bágoas. Silencio. Entra o cadaleito. Logo a familia. Os sacerdotes soben ó altar. Empeza a misa. Familiares e amigos rezan, pensan, recordan... A min vénseme á cabeza as últimas conversas que tiven con el. Nelas quedei admirado da valentía coa que estaba afrontando a enfermidade. Era moi novo. Corenta e pico anos. Unha morte así é difícil de aceptar... Na hora da predicación o cura pásao mal. Nótase que lle quería. É o capelán do Asilo. Lémbranos o que case todos sabiamos. Manolo Alén era o construtor que facía as obras no Asilo. É certo que cobraba polo seu traballo. Pero tamén é certo que moitos dos traballos que facía para o Asilo non os cobraba. As monxas do Asilo estanlle moi agradecidas. Por iso están case que todas no funeral. E antes estiveron no tanatorio. Sí, elas tamén lle querían. Coma moitos outros. Era unha persoa querida no Carballiño... Remata a misa. O cadaleito, a xente e as bágoas marchan camiño do cemiterio. Alí repousará o corpo de José Manuel Alén. Morreu, pero sabemos que a súa vida non foi en balde.
• 07-09-2008: 1ª andaina popular VILA DO CARBALLIÑO, organizada polo Concello coa colaboración dos rillamillas, na que participan cento unha persoas. Día soleado. Ceo limpo. Temperatura agradable. Perfecto para camiñar.
• 29-06-2008: A selección española de futbol gañalle 1-0 á Alemaña na final da EUROCOPA. En Carballiño seguiuse o partido con emoción. E en canto rematou, a fonte da rotonda da Praza do Emigrante encheuse de xente. Foi unha festa improvisada, pero con éxito.
• 08-06-2008: Andaina do día do deporte. CONVOCA: Concello do Carballiño. ORGANIZA: Luciano. DIRECTOR DE ORATORIA: Darío.
       Nais, pais, nenos, nenas, mozos e mozas... un pouco de todo. 45 persoas tomamos a saída na Estación de Autobuses ás dez da mañán. O concellal de deportes, Manolo Dacal, estaba alí para regalarnos camisetas, panos, gorras, unha botelliña de auga... Darío explicounos por qué estabamos alí... e Luciano púxose en cabeza para dirixir a marcha. Parque. Mesego. ¿Seara?. Pena Cobertoira. Pontarriza. Godás. Carballiño. Unha fermosa camiñata por sendeiros inéditos, vírxenes, alfondrados de sombras e follas de carballos, entre fentos e flores, entre silencios e conversas... Na Pontarriza (de "ponte terriza" =de táboas cubertas de terra, como nos explicou Bernardo) visitamos o museo etnolóxico. Pero antes de entrar no pobo xa poidemos ver ó aire libre unha leira sementada de botellas de plástico penduradas no aire, unha das máximas expresións da idiosincrasia imaxinaria da terra galega.
       En todo momento Darío foi cerrando a marcha, coidando de que ninguén se perdese, labor que fixo coa súa acostumada eficacia.
       Chegamos á Carballiño á unha e media, con británica puntualidade, para saborear uns pinchos ofrecidos polo Concello. Fotos aquí.
• 05-06-2008: Foi España durante centos de anos. Chegou internet e perdeu o "ñ" e pasou a ser Espana. Logo chegou Secho e refundou o nome do país que agora se chama EsPaNa (Escola de Pais e Nais). Un ano, dous anos, tres anos... catro anos... e ¡cinco anos!. Hoxe rematou, ¡esta vez no salón Veracruz do emblemático Hotel Arenteiro!. Símbolo da modernidade do Carballiño. E a modernidade ven tamén porque un grupo de pais e nais se xunten para aprender cómo educar mellor ós seus fillos. E que se vai formando unha piña de xente que quere facer que o futuro sexa máis feliz para todos. Un profe e un motivo común. Un grupo de xente. Unha idea que se vai estendendo coma un regueiro de pólvora. Xuntémonos para que os nosos fillos se crien sanos, física e mentalmente, afastados das drogas, do alcool e do aburrimento. Activos. Alegres. Cheos de enerxía e de ilusión. Foto.
                            
• 25 de maio de 2008. No Parque do Carballiño: un coche que choca contra unha árbore. Un rapáz de 23 anos morto. E outro rapaz de 18 anos, o conductor, sen pernas. Duas vidas segadas. Duas familias rotas. Unha desgracia. Moitas razóns para pensar.
• 23 de maio de 2008. No Barazal. Comida de despedida e homenaxe a Dona Cristina Sueiro Morán, que foi secretaria do xuzgado número 2 do Carballiño e que se acaba de ir para Pontevedra. Xuices (Laura, Luis, Darío, Ricardo, Leonardo), secretarias (Raquel, Lourdes, Loli e a propia Cristina), Fiscais (Carmen), avogados, procuradores, garda civil, notario, rexistrador, persoal dos xuzgados... Non sei se se me esquece alguén máis... Se así sucede prego disculpas. Moitos amigos. Discursos, como o de Ricardo e o de Lourdes, que destacaron acategoría de Cristina como profesional e como persoa. E outros como o de Prada, parte en prosa e parte en verso, pero todo él cheo de humor. Logo o discurso longos anos agardado de Luis Rúa, que nos fixo rir, e que parecía o conto de nunca acabar... A oratoria de Luis é das da época clásica, coñecida de todos. Entre outras cousas recordounos que estamos na idade de ouro nos xuzgados do Carballiño. E para remate as verbas emocionadas de Cristina, con arrecendo de agrademento. Regalos. Alguna bágoa atada ó corazón por un fío para que non se ceibase... Un día para recordar. E Cristina, unha rapaza, tamén para non esquecer. Graciñas por deixar un bo recordo e un regueiro de cousas ben feitas.
• Domingo 18 de maio de 2008: Festa das mudacións en Boborás. Danza branca. Catro parellas. Colorido. Música. Procesión. Fermosura. Historia viva. Misa en Boborás. Procesión ata Xuvencos. Misa solemne en Xuvencos. Televisión. Fotos. Moitas cousas xuntas.
• Venres, 16 de maio de 2008: 81 persoas, 5 adultos e 76 mozos recibiron a confirmación na parroquia de San Cibrao do Carballiño. Celebración en galego, presidida polo Sr. Bispo de Ourense.
• Domingo, 4-05-08. Un piano, unhas mans, un corazón, un artista. Enrique Paisal, o pianista dos Tamara. Emocionounos, o domingo, no Casino, ós contados privilexiados, que tivemo-la fortuna de disfrutar do seu recital.
  Ah... se as miñas mans fosen quén de recoller nestas letras a música do mestre.
  Imaxinade. Imaxinade un tango de Gardel envolto a ritmo de bolero. Imaxinade clásicos do pop como Suavemente me mata con su canción ou a banda sonora de Desayuno con Diamantes. Imaxinade o Galicia terra nosa dos Tamara, convertido xa nun himno.
  Din que ó ceo chegan os ditosos. Pois ditosos nós, contado auditorio, a quen o mestre Enrique Paisal se entregou coa paixón dos gloriosos tempos do Olimpia de París cos Tamara e coa xenerosidade dos artistas e homes grandes.
  Así se fai a historia, a nosa máis íntima historia, con tres cuartos de hora de emoción, sentimento, sensibilidade.
  Grazas, mestre Paisal. Saiba que somos xente de palabra e agradecida. Conxurámonos, os do domingo no Casino, para que, ben pronto, moitos máis carballiñeses ateiguen ese salón de actos que se volveu inmenso o domingo, e para que os aplausos cheguen, multiplicados polo eco, ata a súa Palmeira natal, aló en Ribeira, na ría de Arousa.
  Imaxinade que aplaudan a quen saca do piano mesmo o son da gaita... Imaxinade que ata unha bágoa furtiva, esvare por algunha meixela.
  Así pasou o domingo, o día despois da Santa Cruz, véspera de luns de resaca. Aquí, manda o fútbol.
  O recital de Enrique Paisal pechou a programación da primeira das tres fins de semana de maio que a Agrupaciòn Avantar enche co festival Orcellón fála e canta. Abriuse, o venres, con outro canto á sensibilidade. Paga a pena reler, ou descubrir, "Memorias dun neno labrego", de Xosé Neira Vilas. Como interesarnos por saber quén foi Antonio García Varela. Buscade. Sorprenderavos. (Pilar Abraldes)
• 25 de abril de 2008: galicias.com cumple 5 anos.
• Xoves, 24-04-2008: presentación en Vigo, no Corte Inglés, do libro OS NOMES DO RIBEIRO, de Frutos Fernández. Así nolo conta Pilar Abraldes: "Xoves, 24-0408, 20.00, Vigo, Sala de Convencións de El Corte Inglés. Aforo abarrotado, para sorpresa dos propios xestores do recinto. Presentan o libro “Nomes do Ribeiro”, de Frutos Fernàndez. Acompañan ó autor moitas xentes do Ribeiro en Vigo como o é, de Ventosela, o académico Xesús Alonso Montero, que oficia de presentador. Faino con oficio e con paixòn.Louba o libro “Nomes do Ribeiro” e o traballo do seu autor. Recoméndao, para satisfacción de Frutos Fernández, como un libro de letura, e non tan só de consulta. E explica por qué: porque está documentado e porque introduce elementos narrativos, con historias, nun casos, lendas, noutros, recordos, moitas veces, e sentimentos, sempre.
  Frutos Fernández agradécelle ó mestre o seu agarimo e lé un texto de moito calado. Vai pasando follas, literarias, nas que ten escritas vivencias, de cando neno, na sùa casa, en San Clodio. Da nomes de persoas. Hai fillos na sala, que escoitan emocionados as mencións ós pais. Da nomes, tamén, de autores das nosas letras que fixeron dos viños do Ribeiro compañeiros fieis. O grande Álvaro Cunqueiro. Enumera nomes de lugares do Vigo que comparten nomes con outros do Ribeiro: Beade, A Costeira, A Ponte, Sanín, A Pena, A Oliveira... e ata Ribadavia. ¡Cántas declaracións de amor á terra!, coa nostalxia dun tempo que xa non volverá. Remata, o autor, cunha reflexión que lle é recorrente e sempre igual de dolorosa. A morte do Ribeiro, da que é testemuña a súa xeración.
  O acto remata, entre aplausos e felicitacións, e por qué non, o culto ó autor, que Frutos Fernàndez está saboreando. Asina, feliz, un bo número de exemplares de “Nomes do Ribeiro”. Coñece moitos dos que levan entre as mans o seu libro. Descobre outros.
  Avelino Muleiro, presidente do Instituto de Estudios Carballiñeses, obra milagres".
  
• No Carballiño, "Xornadas sobre a globalización", do 16 ó 19 de abril de 2008. Entre outros moitos actos, cabe destacar unha conferencia de Carlos Taibo: "unha mirada crítica á globalización", na CASA DA CULTURA, o Xoves 17, ás 20:30. E tamén a exposición de Sebastiao Salgado, "OS SEN TERRA", no IES Chamoso Lamas, do 10 ó 19 de abril.
  
• 18 de abril de 2008: No Barazal, comida de despedida ó Xuíz DON LUIS DOVAL PÉREZ. Autoridades. Xuíces. Secretarias. Fiscais. Avogados. Procuradores. Funcionarios. Moita xente. Moitos amigos. Porque Don Luis foi un xuíz querido no Carballiño. Un home galego, da terra, que entendía o que era unha aira, un resío, un paso... Un xuíz, según contan, con moito sentido común.
        Esta crónica da súa despedida queda un pouco curta e breve pola sinxela razón de que o que esto escribe non puido estar na comida por mor da gripe. E ben que o sentín. Graciñas, Don Luis, polo bo recordo que deixa no Carballiño.
• 14-04-2008, luns: O IES MANUEL CHAMOSO LAMAS de O Carballiño, organizou catro sesións teatrais en inglés no Auditorio Multifuncional do Carballiño.
        Empezouse coa obra "Ronny and Julie", que se representou dúas veces, unha para os alumnos de 1º e 2º de ESO e outra para os alumnos de 3º e 4º de ESO, adaptando a interpretación ó nivel de coñecemento de inglés que tiñan os alumnos asistentes en cada caso. Esta obra estaba financiada pola CAIXANOVA.
        Logo seguiu a obra "MULAN", para os alumnos de Primaria, financiada pola CAIXA.
        E rematouse pola tarde coa obra "CLEVER CUPID", financiada pola CAIXAGALICIA, para os alumnos de bacharelato, Ciclos, adultos e Escola de Idiomas.
        Asistiron alumnos dos dous institutos da Vila do Carballiño, da Escola de Idiomas, dos colexios Calvo Sotelo, Sagrado Corazón e Vila do Arenteiro, dos CPI de Maside, Cea, Beariz e Irixo. En total máis de mil trescentos alumnos, cos seus correspondentes profesores.
        Os actores divertíronse un montón, e os alumnos asistentes tamén. Non soaron os móbiles, pero si as risas e os aplausos, sobre todo cando os actores fixeron participar a algúns dos integrantes do público asistente. Non cabe dúbida de que os que máis gustaban de participar eran os alumnos de primaria.
        Todas as obras foron representadas polo grupo Clever Pants. Grazas á financiación concedida polas entidades bancarias antes mencionadas a asistencia foi totalmente gratuíta para os alumnos, e os institutos e colexios so tiveron que pagar os autobuses empregados para os desprazamentos. A organización por parte do Instituto Manuel Chamoso Lamas foi un éxito e a resposta dos restantes centros foi magnífica. Todo o mundo quedou moi contento, e os alumnos expresaron o seu agradecemento e o seu desexo de que o ano que ven isto se volva a repetir...    
  
• 21-03.08. Procesión de Venres Santo no Carballiño. San Benito. O inverno na primavera.
        Hai días felices. Foi así, para un sanador de almas e un sanador de corpos, o vintéun de marzo do ano en curso, San Benito, o inverno na primavera.
       Unha procesión, como non lembran os máis vellos do lugar, acompañou os pasos coas imaxes da Dolorosa e do Cristo Xacente. Unha marea humana, con homes, mulleres, nenos, participou na comitiva, que saiu e chegou ó templo da Veracruz, tras percorre-las rúas do centro da vila.
       Por primeira vez nesta parroquia, incorporouse unha confraría, a recentemente creada Confraría da Veracruz. Algo mais de trinta feligreses, enfundados en túnicas e capuchóns, déronlle luz, coa luz da súas velas, á fría e escura noite carballiñesa. Alumearon tamén espíritus, gozosos ante unha manifestación silenciosa e respectuosa dunha fe, que non precisa de ruidos.
       A José Benito Sieiro, párroco do Carballiño, e Rafael Melero, presidente da Confraría da Veracruz. Sanadores de persoas, os dous, inmensamente felices, os dous, o Venres Santo. (Pilar Abraldes)

• 18-03-08. Funeral por Aurelio, o fotógrafo, na Veracruz. Colleunos por sorpresa a moitos. Sabíamos da sùa delicada saùde, pero non contabamos coa morte, da que nos enteramos, cáseque todos, pola esquela publicada no xornal La Región.
        Foi, Aurelio, un ourensán que se fixo carballiñés por amor, o gran fotógrafo da crónica social da nosa vila. Nuns tempos, éstes, nos que a chamada prensa rosa ou do corazón carece de sentido, Aurelio inmortalizou, coa súa cámara, a vida social de varias décadas e xeneracións de familias do Carballiño. Vodas, bautizos, comunións, homenaxes, festas, a da Mimosa tamén, están nos negativos tirados por Aurelio, un home que, coa mistura de arte e bondade, retratou, sempre, a alegría dos seus veciños.
        Malia a súa pena.
        Porque Aurelio nunca se recuperou da repentina morte do seu fillo, Aurelio, un brillante estudante de Medicina, nun accidente de tráfico, camiño da casa. Nunha noite de verán, polas terras de Lalín, quedaron enterrados para sempre moitos dos soños de Aurelio, e de Choncha, a súa muller, e de Marián, a filla e irmá, unha adolescente, daquela, que de súpeto e violentamente se fixo adulta.
        Imaxes e recordos, apresurados, sucedéronse durante o funeral por Aurelio, nunha mirada atrás no tempo sen cronoloxía definida... Faltaban moitos na Veracruz. Por fortuna para eles, Aurelio, segue nas súas casas. Nas súas paredes, nas súas mesas, nos seus álbunes, están os sorrisos asinados por Aurelio.
        Na miña casa tamén. A miña voda foi unha das últimas que fixo Aurelio. Antes, fixo a miña Primeira Comunión, e as das miñas irmás, e os retratos de familia. Retratos que están polo Carballiño, por Santiago, por Logroño, por Madrid, por Venezuela e hainos, incluso, que fixeron a viaxe de ida e volta de Alemaña.
        Descanse en paz, Aurelio. (Pilar Abraldes)
• Sagra. 17 de marzo de 2008. Seis da tarde. Xente. Moita sente. Silencio.
        Para de chover. O sol mira por entre as néboas. Chega o coche da funeraria. José Manuel Soto Quesada. 21 anos. Fillo. Hirmau. Sobriño. Primo. Amigo. Unha familia moi grande e querida. Xogador de fútbol do Arenteiro B. Estudiante de Ciencias da Información. E moitas cousas mais. O cadaleito entra na igrexa. O sol da tarde acaricia con dozura as nosas penas. O crego empeza a misa. Palabra de esperanza. Igrexa chea. Xente no adro e na carretera. Todos unidos nun mismo silencio.
        O sol vaise escondendo. Escóitanse os paxaros. Hai moitos mozos e mozas. Naide chora. Non hai sorrisos. Soio miradas caladas e rezos. Silencio.
       Nas alas rotas da tarde latexa e voa a eterna pregunta sin resposta. ¿Por qué? Ente rezo e rezo, amasada de tristura e de esperanza, escóitase, calada, terca e fonda, a voz elocuente do silencio.
• 06-03-2008: Xa se poden ver en Ourense, no Hospital e na residencia, as exposición fotográficas de dous membros da asociación fotográfica carballiñesa POTIÑOS: "A cor viaauria" , de Juan Rúa, exposta na sala de espera de Dixestivo do Hospital Santa María Nai (planta principal); e "Sensacións viaauria", de Luisa Lorenzo na sala de espera de Oftalmoloxía do Hospital Materno Infantil (planta principal).
• 06-03-2008: Resolución do concurso de fotografía do entroido convocado polo Concello de O Carballiño: 1º premio para Maricarmen Izquierdo. 2º premio para Juan Rúa. 3º premio para Luisa Lorenzo.
• 05-02-2008: Desfile de carnaval do Carballiño. Primeiro premio para a comparsa de San Amaro... e segundo premio para a comparsa TOLOS POLO ENTROIDO.
• 03-02-2008: A bisbarra do Carballiño impón a súa lei no desfile do carnaval de Ourense: A comparsa dos de SAN AMARO levou o primeiro premio de animación, o premio á comparsa máis numerosa e o primeiro premio absoluto. E a comparsa TOLOS POLO ENTROIDO (do Carballiño) recibiu o premio ó mellor diseño e o segundo premio absoluto.
• 28-01-2008: Morreu don Juan Corral Pajariño.
        Pili Abraldes lémbrao así:    "Foise don Juan. Morreu Juan Corral Pajariño, home sabio e boa persoa, que procurou o mellor para xeracións de carballiñeses cun maxisterio inspirado nos clásicos de Grecia e Roma ós que tanto amou. Grego, latín, castelán, francés..., foi sabio en tódalas linguas, tamén no galego, nun tempos nos que as nosas letras non se estudaban na escola, pero falaban os fillos da terra, como don Juan. Física, Química, Matemáticas... Ningunha ciencia escapaba a súa curiosidade. A traducción dun texto, dicianos, era como un problema.
        Sabémolo ben, quen pasamos, e nunca mellor dito, polas súas mans. Milleiros de nenos e nenas da comarca enteira que medraron e se fixeron homes e mulleres baixo a sombra protectora de don Juan. O seu colexio -Isabel la Católica- o Corral para todos, foi a súa casa e a casa na que nos acolleu a todos, ¡cántos fillos da emigración!.
        Agora, na despedida, somos moitos os que nos sentimos orfos do mestre que, nin don Juan nin nós sabiamos, ata qué punto marcou as nosas vidas. O pracer de aprender, o pracer do traballo ben feito, o pracer do esforzo, o pracer da cultura, o pracer da conversa... o pracer de sentírmonos persoas.
        Ten este O Carballiño virtudes. Ten tamén defectos. Témolos os carballiñeses. Non somos dados ó afecto en vida. A rúa Juan Corral Pajariño é unha anécdota. Don Juan foise facendo vello diante de nós. O seu andar firme perdeu brío; o seu verbo un día fluido e a súa potente voz quebráronse paseniño; deixámolo de ver polo Casino, pola Calle Principal, pola Veracruz. Sen ruido, apagouse.
        Apagouse, como antes o fixeron outros compañeiros, ós que hoxe recordamos, como unha xeración de mestres xa desaparecida. MESTRES, así, en maiúscula, que fixeron do seu traballo unha vocación, que conseguiron que os nenos e nenas que pasabamos polas sùas aulas soubésemos ler, escribir, sumar, restar, multiplicar, dividir, os verbos, os ríos, as cordilleiras, os cabos, os golfos da Península Ibérica, os reis visigodos, as capitais do mundo... Doña Denza, doña Isabel, don Manuel Doval, don Eduardo Cela, mestres do grupo escolar. O seu director, don Amador, e a súa muller, doña Nievitas, que nos chamaban a todos polo nome e sabían de quen eramos fillos. Con don Juan, en fin, acabouse esa estirpe de mestres, que impartían o seu maxisterio dentro e fóra da escola, sen pedir nada a cambio.
        En torno a don Juan, xuntámonos hoxe moitos dos seus discípulos. Ogallá a súa memoria, e a dos outros mestres, siga viva entre nós, fillos da súa devoción polo ensino.
        Don Juan Corral Pajariño naceu en Dacón. Morreu onte, vinteoito de xaneiro, día de Santo Tomás de Aquino. Non é casualidade.Tiña noventa e sete anos. Chegoulle o ben merecido, e sei que feliz, descanso" (Pilar, 29-01-2008).
  
• 07-01-2008: A exposición fotográfica "Galicias" (de Juan Rúa) pódese ver dende hoxe ata o día 30 deste mes na Casa do Concello de Carballiño. Anteriormente estivo no Centro de Saúde da Teixeira (dende o 1 ata o 30 de novembro de 2007) e no centro de Saúde de Parada de Sil (dende o 1 de decembro de 2007 ata o 2 de xaneiro de 2008). Está previsto que tamén se expoña este ano 2008 nos locais das seguintes Fundacións Comarcais: Deza: Do 1 ao 15 de febreiro; O Salnés: Do 16 ao 30 de abril; Terras de Trives: Do 2 ao 16 de xuño; A Ulloa: Do 1 ao 15 agosto; Bergantiños: Do 15 ao 30 de novembro; A Paradanta: Do 1 ao 15 de decembro; A Mariña Occidental: Do 17 ao 31 de decembro. E tamén no centro comercial Pontiñas, de Lalín, do 18 de febreiro ó 30 de marzo. E no concello de Leiro, do 1 ó 15 de Maio. Como é lóxico, tamén se pode ver en internet, nesta web.
• 28-12-2007: Frutos Fernández González presentou na Casa da Cultura do Carballiño o seu libro NOMES DO RIBEIRO. Eu nunca vira o salón de actos da Casa da Cultura tan ateigado de xente. E, trala erudita presentación de Avelino Muleiro, Frutos sorprendeunos a case todos cun discurso emotivo e cálido... que tivo ó público calado e pendente del coma se dunha novela de suspense se tratara. Foi unha agradable sorpresa. E dende logo, a presentación do libro resultou ser un éxito rotundo. Parabéns ó autor. E desexar un longo éxito para o libro.
       Entre as cousas que o autor conta do libro figura esto que transcribo: “Nomes do Ribeiro” é unha viaxe pola toponimia maior do Ribeiro e a súa contorna. Nos douscentos noventa e tres artigos que contén o libro analízanse máis de mil nomes de lugar, tratando de atopar o significado de cada un e de enmarcar ese significado dentro da súa realidade xeográfica, histórica ou cultural. O libro é tamén unha invitación a que o lector descubra os grandes tesouros que se atopan agachados nos nosos nomes de lugar. Uns tesouros que, sen dúbida, enriquecerán a todos aqueles que estean interesados na historia e na cultura destas terras. Como apunta Avelino Muleiro no prólogo: “..Neste libro, Frutos aposta por liberar todos os recunchos do Ribeiro da orfandade de soidade en que se atopan, enchéndoos dese aroma que produce nas cousas unha significación ideal...”.
• 21-12-2007: No colexio do Sagrado Corazón fixeron hoxe pola tarde un belén viviente... que daba gloria velo. Decoración e personaxes. Portal. Reis Magos. Lavandeiras. Deserto. Oasis. Pozo de auga. Cando levabas alí un pouco dábache a impresión de estar realmente en Oriente. ¡Noraboa á AMPA, que foi quén o organizou!. ¡Noraboa ó director do colexio, Alfonso, que actuaba de San Xosé!. E noraboa a todos os que colaboraron no evento. ¡Chapó!..
• 20-12-2007: Comida xudicial de nadal. Na Carballeira da Santa Cruz. ¡Canto rimos!. Respírase ben, moi ben, no mundo xudicial do Carballiño. Así da gusto. E paréceme que cando os funcionarios e os profesionales se levan ben... o traballo faise mellor e mais agusto... e todo iso redunda en beneficio dos que pola razón que sexa acoden á xusticia. Ó final é un ben para o conxunto da sociedade do Partido Xudicial.
• 23-11-2007: No Barazal tivo lugar a comida de despedida de Dona Laura Guede Gallego, Ilustrísima Xuíz do Xulgado número dous dos do Carballiño. Alí estaban, ademais da homenaxeada e do seu marido, moitos amigos: Xuíces, Secretarias de Xulgado, membros do Ministerio Fiscal, o Subdelegado do Goberno, a cabeza visible da Garda Civil no Carballiño, avogados, procuradores, persoal do xulgado, e incluso un notario. E seguro que aínda se me esquece alguén. Aparte da comida, que foi moi boa, como non podía ser doutro xeito tratándose do Barazal, houbo tamén discursos. A secretaria Dona Cristina dixo unha palabras breves, pero intensas, cargadas de emoción, que fixeron bailar as bágoas. O xuíz Don Luis pronunciou tamén un discurso, como compañeiro e como amigo, mencionando algunhas das grandes virtudes persoais e profesionais de Dona Laura, e pondo de manifesto a boa química que hai dende fai anos nos xulgados Carballiñeses. O avogado Don Manuel Souto Cacabelos pronunciou un discurso breve pero moi atinado, dedicándolle á homenaxeada palabras de eloxio e agradecemento. O actor, e procurador, Xosé Prada, amenizou a festa cunha representación realmente divertida, cargada de humor, que nos fixo rir a cachón. Dona Laura contestou, emocionada e feliz, dando as grazas a todos, con palabras nas que se podía apreciar a súa gran fondura humana. Finalmente, e xa fora de prazo, o avogado Don Perfecto Luis Rúa, pronunciou un discurso complexo, amasando risas con verdades, botándolle tamén abundante auga de elocuencia e unha “pizca” de sal de retranca. O "pan" que de alí resultou convenceunos a todos. Nesta vez, o amigo Luis, obtivo para si mesmo unha sentenza totalmente favorable.
       Foi unha tarde moi fermosa. Como se merecía unha gran persoa como é Dona Laura, á que todos lle desexamos moita sorte, e lle pedimos que siga sendo como é. Moitas grazas por todo e moita sorte, tanto na vida persoal coma na profesional.
• 11-11-2007: Nun accidente de tráfico ocurrido en Madrid morreu Faustino José Pérez San Martín «Fusi», entrenador do equipo cadete do Arenteiro. Nacera o 10-11-1970. Tiña 37 anos e un día. Era moi querido no Carballiño por todo o mundo. Pero especialmente queríanlle con loucura os rapaces ós que entrenaba. Está enterrado no cementerio de Señorín, de Carballiño, e na súa lápida está escrito: "Tu alegría siempre en nuestros corazones". Ano e medio máis tarde algún dos rapaces ós que entrenaba ainda ten como frase no seu nick do mesenger: "FUSI, te queremos". Y otro dice: "FUSI, nunca te olvidaré"...
• 24-07-2007: Ás dez da noite morre en Ourense José Rúa Basalo. Un home bó. Natural de Camba. Pai de cinco fillos, un dos cales é notario no Carballiño... Cando morreu tiña 90 anos. Nas súas mans levaba unha longa vida de traballo e sacrificio. Labrego de profesión. Quedou viuvo cando o seu fillo máis vello tiña once anos e o máis novo menos dun mes. Coa axuda da familia sacou adiante os seus cinco fillos. Foi un home de paz, honrado, traballador, relixioso, amante da verdade... Despois de moitos anos de esforzo, Deus premiono permitindo que durante os derradeiros anos da súa vida poidera gozar vendo como os seus fillos e netos se xuntaban ó seu redor formando unha familia unida e feliz. .
• 13-07-2007: Concierto de Carlinhos Brown en Carballiño. No Campo de Futbol. Moita xente. E moi bo ambiente. Carlinhos conecta totalmente cun público que se lle entrega. Todos estes días hai un aire de festa en Carballiño. As terrazas están ateigadas de xente. E moitos comentan: "esto parece o Septiembre"... facendo alusión a que parece coma se estiveramos nas festas do Setembro que cada ano enchen o Carballiño de xente.
• 09-07-2007: Empeza o VII CURSO DE TERMALISMO, organizado pola Universidade de Vigo e o Instituto de Estudios Carballiñeses. A inauguración ten lugar no Centro Comarcal do Carballiño. Asisten 50 alumnos. O curso segue durante os días 9 (Carballiño e Mondaríz), 10 (Balneario de Lobios), 11 (Balneario de Guitiriz) e 12 (Talaso Atlántico). Igual que en anos anteriores o éxito é total: Todos os asistentes rematan encantados.
• 27-05-2007.- Eleccións Municipais. No Carballiño os resultados foron: 8 PSdeG-PSOE, 5 PP, 4 BNG. O PSOE gaña, pero non acada a maioría absoluta. O BNG, con Amil, consegue un bos resultados. O PP mantén os seus 5 concelleiros. Parece que gobernará o PSOE en minoría...
• 31-03-2007: O poeta de Barbantes, Manuel Vilanova, gaña o PREMIO NACIONAL DA CRÍTICA de poesía en língua galega co seu libro A ESMERALDA BRANCA.
• 09-3-2007: inaugurouse a exposición permanente de fotografías de Potiños no local cedido por D. José Ignacio Fontaiñas, no baixo do edificio número 15 da Alameda do Carballiño...
• 06-03-2007, martes: O IES MANUEL CHAMOSO LAMAS, de O Carballiño, organizou cuatro sesiones teatrales en inglés no Auditorio Multifuncional de Carballiño. Tratouse das obras de teatro“School is Back” (que se representou tres veces, unha para Bacharelato, financiada pola CAIXANOVA, e outras duas sesións para PRIMEIRO CICLO e SEGUNDO CICLO DA ESO, ambas financiadas pola CAIXAGALICIA) e "Midnight Madness", para Educación Primaria, financiada por "LA CAIXA". Todas as obras foron representadas polo grupo Clever Pants. A elas foron invitados os alumnos de todos os centros de ensino existentes na Vila e tamén os de Cea e Maside. A asistencia foi masiva, dado que foron presenciadas por mais de mil cincocentos rapaces. A organización foi todo un éxito e a resposta dos restantes centros foi magnífica. Todo o mundo quedou moi contento, e os alumnos expresaron o seu agradecemento e o seu deseo de que o ano que ven esto se volva a repetir...
• 14-01-2007: Na misa de 11:15 deuse a coñecer o resultado do concurso de Beléns da parroquia do Carballiño . O primeiro premio foi para o nacemento feito por María Rúa e Carmen Rúa.
• 07-12-2006: Inauguración do Hotel Arenteiro. Un símbolo importante na Vila do Carballiño. Alí estaban Manolo e Rosa. Estaba tamén Celso Carballal. Había moita xente da política: como o Conselleiro de Medio Ambiente, Pachi Vazquez, o Alcalde do Carballiño e varios concelleiros, o Delegado da Consellería de Medio Ambiente en Ourense, o Gobernador Civil de Ourense... e moitos máis. Estaba Juan Valcarcel, o pintor que adornaba a sala con unha exposición de cadros. Estaba José Luis Cuerda, amable e amizoso, coma sempre, enchendo o acto coa sua pacífica presencia. E moitos destacados empresarios e veciños do Carballiño. Don Xosé Benito bendeciu o Inmoble, rezando en galego. Logo chegou a hora de comer e beber nunha carpa instalada na Alameda. Por suposto que non faltou o "pulpo". Un día moi importante para a Vila do Carballiño, que hoxe é, dende logo, moito máis cidade que onte. Creo que o Hotel Arenteiro é un fermoso símbolo que da servicio e prestixio a esta fermosa Vila.
• 02-12-2006: Rematou no concello de O Carballiño o curso de fotografía impartido por HECTOR GUZMAN. Con entrega de diplomas, regalo ó maestro... e momentos de emoción. "Gracias, Guzmán, por ser profe, maestro e amigo. Gracias por ser punto de encontro. Gracias por ser fonte de creatividade, de soños e de ledicia. Gracias por ser en cada momento semente de novos camiños...". Hoxe pola tarde haaberá tamén unha conferencia sobre o tema da composción fotográfica impartida polo maestro H. Guzmán. E logo cea.
• 01-12-2006: Antonio, tenente da Garda Civil, organizou un xantar no lecer, onde se mexturaton xuices, secretarios, fiscais, conselleiros, alcaldes, notarios, comisarios, músicos, empresarios, obreiros, parados, xubilados... nun clima de total harmonía... Foi un exemplo de democracia...
• 14-10-2006: Ya se sabe el resultado del concurso de fotografía de la fiesta del pulpo (o del polbo). Primer premio para MANUEL BLANCO GUERRA. Segundo premio para MILA FERNANDEZ SILVA. Y tercer premio para JOSE LUIS DIZ. Las fotos son estupendas. Enhorabuena a los premiados.
• 12-10-2006: Día del Pilar. Patrona de Correos y de la Guardia Civil. Misa solemne, en gallego. La Veracruz abarrotada. Y luego pincho-comida con casi todo el pueblo invitado. Este año en el Isis Faria. Un día soleado y precioso. Y quizás se deba destacar que este año hubo masiva asistencia de autoridades judiciales: jueces, secretarias... e incluso un juez y una secretaria que estuvieron en Carballiño pero que ahora ya no están aquí, sino en Lugo y en Ourense. Una gran familia. Da gusto ver el buen ambiente que hay.
• 17-09-2006: Hoxe celébrase no Carballiño a FESTA de SAN CIBRÁN. O día propio de San Cibrán é o 16 de setembro, pero a petición dos comerciantes, para que a festa non coincida coa feira, por iso se celebra a festa o día 17 en lugar do 16. Houbo procesión, e logo misa solemne, en galego, coa Veracruz ateigada de xente, con asistencia do Sr. Alcalde e de outras autoridades. A celebración da misa presidiuna DON SEREFÍN MARQUES GIL, un crego que fai ó redor de 30 anos foi profesor deste que agora está escribindo... e coas súas ensinanzas despertou en min (e supoño que en moitos outros) o amor á lectura e á escritura. Probablemente se non fora por aquelas lonxanas ensinanzas de Don Serafín... esta web non existiría, ou, polo menos, non sería así.
       E a todo isto... ¿vos sabedes quén foi San Cibrán?. Foi bispo e martir. En África. No século III. Naceu en Cartago, no ano 200. Convertiuse ó cristianismo. E foi ordenado crego. E despois proclamando bispo de Cartago, no ano 248. No ano 257 o emperador Valeriano puxo en marcha una forte persecución contra os cristiáns... e o bispo Cipriano negouse a adorar ós deuses pagáns, polo cal foi condenado a morte, e cortáronlle a cabeza cunha espada. Deste xeito sufriu, como outros moitos naqueles tempos, o martirio. Foi o Bispo e o Santo máis importante de Africa ata que apareceu San Agustín.
• 16-09-2006: conmemoración do 40 aniversario da fundación da empresa carballiñesa CONSTRUCCIONES JOENFE, SL. Misa na Veracruz. E logo xantar no restaurante O POTE. Asistiron ó redor de 200 persoas. Despois da comida chegaron os discursos, algúns moi emocionantes. É moi bonito ver xunta á familia de Joenfe, compartindo mesa, lembranzas e proxectos. A historia do Carballiño moderno non se debe escribir sen falar desta empresa que deu traballo a moita xente e que lle deu un fogar a moita outra. Por certo, o nome JOENFE.... está formado polas iniciais dos tres hirmaus fundadores da empresa: José, Enrique, e Felisindo. Contan que un doce de setembro do ano 1966 os tres himaus decidiron poñer en marcha a empresa, e que o 16 de agosto de 1967 asinaron formalmente a escritura de constitución desta sociedade. ¡Xa choveu!. ¡E xa fixo sol!. Noraboa a JOENFE. E que cumpla moitos máis, facendo casas e dando vida e traballo.
• 12-08-2006: presentación do número 12 da revista Ágora do Orcellón. É lóxico que o número 12 se presente un día 12 dun ano no que 2*6=12. Doce foron os apóstolos. Doce os meses do ano. Doce...
• 08-08-2006: morreu a viuda de POTIÑOS.
• Segunda semana de agosto. Arde Galicia. Lume e fume por todas partes. Asesinato da natureza, da vida, da economía, da xente... Un crimen. Bágoas. ¿Hai duas galicias: a dos que prantan lume e a dos que o apagan?. ¿Duas galicias en loita?. Xa vai sendo hora de que gañe a boa. ¿Quén está detras do lume?. Parece que naide o sabe... pero creo que Séneca sí que o averiguaría. Lembremos a súa frase: "Autor del delito es aquel al cual aprovecha" (SENECA)
• Primeira semana de agosto de 2006. Xociviga. Carballiño convírtese pro uns días na terra do cine. Proxéctanse un montón de películas. E entre elas está LA EDUCACIÓN DE LAS HADAS, do director amigo destas terras Don JOSÉ LUIS CUERDA.
• 07-07-2006: Está previsto que TIRULEQUE, Grupo de Teatro, estree ROMA ¡UNHA TOLERÍA! ás 22'30 horas no Auditorio do Carballiño.
• 30 de xuño de 2006: No balneario de Laias tivo lugar a comida de despedida de D.ª Raquel Blanco Pérez, que foi secretaria do xugado número 1 do Carballiño e que agora se vai para Ourense. Os dous xuices do Carballiño, a secretaria do xuzgado número 2, o xuíz e mais a secretaria do xuzgado de Ribadavia, a fiscal, o persoal dos dous xuzgados, moitos abogados e procuradores, o rexistrador da propiedade, un dos notarios do Carballiño, guardia civil, policía local, o titor de Raquel... E seguro que algúns mais que neste momento non me veñen á memoria. Eran máis de cincuenta as persoas que estiveron presentes homenaxeando a Doña Raquel. Houbo discursos: de Don Manuel Souto Cacabelos, de Xosé Prada, de Luis Doval, da mesma Raquel. Houbo regalos, emoción e incluso bágoas. A verdade é que Raquel é unha persoa estupenda e por iso é moi querida en todolos sectores xurídicos do Carballiño. E, ademáis dos que estaban alí, hai outra moita xente anónima que no fondo do seu corazón homenaxeou en silencio a unha persoa que sempre repartiu comprensión, humanidade e cariño, non soio para os coñecidos, senón tamén para a xente que por unha razón ou por outra acudía ó xuzgado. Raquél estaba sempre en actitude de axudar á xente, e ademáis facíao cun permanente sorriso que enchía de paz o corazón de calquera persoa que se topaba diante dela. Cónstame que axudou a moita xente humilde (labregos, inmigrantes...), incluso en asuntos que non lle incumbían directamente a ela e dos que se houbera podido excusar fácilmente. Había veces que incluso facía ben sen darse conta. Raquel é unha gran persoa, na que se da unha perfecta combinación de profesionalidade, eficacia, humanidade, humildade e ledicia; unha boa forma de construir XUSTICIA, unha xusticia humana. Quizáis o que máis me gustou de todo o que se dixo na comida foi esta frase: "Raquel, soio che pedimos que non cambies".
• 18-05-2006: 20 horas, na casa da cultura do Carballiño, presentación do libro e do DVD "Carrilanos. Os túneles dun tempo", de Rafael Cid. Proxección do estupendo documental que nos fala da construcción do ferrocarril de Puebla de Sanabría a O Carballliño, e especialmente da construcción dos túneles do Padornelo e do Corno, e da problemática humana e social que levaron consigo: homes mortos pola silicose, viuvas, orfos...
• 04-05-2006: Tivo lugar a clausura da IIIª ESCOLA DE PAIS E NAIS, Programa Protego, con un acto solemne no que estiveron presentes o Alcalde do Carballiño, Carlos Montes, a Concelleira de Servicios Socias, Elisa Dominguez, o Director do Colexio Sagrado Corazón, Alfonso Bernardez, e do director do curso, José Manuel Fariñas (Secho). A escola, organizada polo Concello do Carballiño, desenrolouse ó longo deste curso, durante sete sesións. Dirixiuna maxistralmente o incansable Secho. E a ela asistiron máis de cincuenta nais e pais. A súa finalidade foi a de ensinar ós pais habilidades para educar e formar ós seus fillos, indicando pautas para mellorar a conducta dos rapaces, comunicarse con eles, mellorar as relacións familiares, establecer límites e normas de comportamento e sancións en caso de incumplimento dos mesmos, resolver problemas cando se presentan... Tamén se incidiu na posición familiar ante o tabaco, o alcohol e as outras drogas. O Colexio Sagrado Corazón prestou de balde as súas instalacións para que esta escola se poidese desenvolver. O acto de clausura foi ledo e emotivo. Carlos, Elisa e Alfonso, tras pronunciar unhas breves e acertadas palabras, levaron a cabo a entrega dos diplomas a tódolos asistentes.
• 27-04-2006, xoves: O IES MANUEL CHAMOSO LAMAS, de O Carballiño, organizou duas obras teatrales en inglés no Auditorio Multifuncional de Carballiño. Tratouse das obras de teatro“Teenage Kicks” e "Happy Ending", do grupo Clever Pants. A elas foron invitados os alumnos de todos os centros de ensino existentes na Vila e tamén os de Cea e Maside. A asistencia foi masiva, dado que foron presenciadas por mais de oitocentos rapaces. A organización foi todo un éxito e a resposta dos restantes centros foi magnífica. A financiación puxérona as entidades CAIXANOVA e CAIXAGALICIA. Todo o mundo quedou moi contento, e os alumnos expresaron o seu agradecemento e o seu deseo de que o ano que ven esto se volva a repetir..
• 07-04-2006: A Asociación Alvaro das Casas presenta na Casa da Cultura do Carballiño o libro : "CONVERSAS NO RIBEIRO-ENCONTROS COA TRADICIÓN-O VIÑO", que vai acompañado dun CD no que se recollen as voces de xente maior que fala de cómo era o cultivo e a cultura do viño fai cerca de cen anos.
• 07-04-2006: Nos días 7, 8 e 9 de abril o Centro de Estudos “Chamoso Lamas”, en colaboración coa Universidade de Vigo, organiza no Carballiño un congreso sobre o tema: "O Home e o medio: A Educación como salvagarda do Ecosistema".
• 01-03-2006: Silandeiramente, sen ruído, tomou posesión o novo rexistrador da propiedade do Carballiño, Don Antonio Alcántara.
• 28-02-2006: a comparsa de PAQUITO CHOCOLATERO participou no desfile do carnaval no Carballiño, acadando a segundo premio. Animada polo calor e o aplauso apaixoado dun público emocionado. O paso pola rúa principal ateigada de xente foi apoteósico. O primeiro premio foi para a compasa MUSICAL OS AZUCARADOS, de Maside; e o terceiro para OS VIQUINGOS, de San Amaro. Houbo moitos máis premios. Pero o mellor premio de todos foi a satisfacción de haber disfrutado moito durante o desfile. Día frio, pero soleado.
• 26-02-2006: PAQUITO CHOCOLATERO, a comparsa dos amgos do Titanic, participou no desfile do carnaval de Ourense, e gañou o PREMIO DE ANIMACIÓN e tamén o PRIMEIRO PREMIO ABSOLUTO para comparsas de máis de dez compoñentes. Desfilaron na comparsa 49 persoas. O éxito foi total. Día moi frío, pero sen choiva.
• 29-01-2006: Na pastelería Royal está exposta no escaparate unha fermosa reproducción "en chocolate" da torre da igrexa da Veracruz feita polo maestro chocolatero DON JOSE MANUEL DE LA IGLESIA BARROS. Esta doce obra arquitectónica mide 1,68 m de alto e 0,70 m de ancho. Na súa elaboración empregáronse 50 horas de traballo e 74 kilos de chocolate. Ver foto
• 29-01-2006: Dia fresco e soleado. A partir de Seoane xa se empezaba a ver neve. Cea estaba todo cuberto de branco. E tamén eran brancos outros moitos pobos, como por exemplo Lousado. Indo de cara Santiago todo se vía branco dende Cea ata máis alá de Lalín. Pero a parte mais fermosa era a de Castro de Dozón, onde tamén eran brancas as ramas das árbores. Un fermoso día de sol para ver paisaxes nevados.
• 28-01-2006: Hoxe pola mañán, nevou mansamento no Carballiño. Durante mais dunha hora estiveron caindo grandes folerpas de neve. E chegou a cuallar a neve nos lousados. Pero logo a neve foise e a Vila quedou da cor de sempre.
• 02-01-2006: Hoxe tamén me contaron que dende fai un tempo se está tentando espabilar unha asociación que levaba un certo tempo adormecida: Trátase da Agrupación Cultural Avantar. Unha agrupación que, según contan, tivo unha grande actividade en tempos pasados, nos tempos aqueles nos que o poeta MANUEL MARIA andaba polo Carballiño.
• 02-01-2006: O ano novo empeza sen grandes novedades. Cicais que o que máis chama a atención é a gran variedade de carteles que hai nas portas dos bares falando do tabaco. Dan ganas de facer un concurso para premiar ó mais orixinal. Tamén poderiamos facer unha estadística. Creo que a gran maioría dos bares pequenos están "reservados para fumadores". E parece que os restaurantes e cafeterías, mentras non fan as obras para separar as zonas de fumadores e non fumadores, acóllense á opción de espacio libre de fume. Tamén hai quen acordou facer unha votación para que os clientes decidisen se querían que o establecemento fose de fumadores ou de non fumadores. Así fixo, por exemplo, a confitería-panadería-cafetería ROYAL. Aquí gañaron os non fumadores. E Estrella, a dona, saíu falando pola tele, nada menos que na primeira cadena. Esto é poderío e o demáis son contos.
• 23-12-2005: Xa están rematadas as beirarrúas da Avenida de Julio Rodríguez Soto.
• 22-12-2005: Comida xudicial de Nadal. No fermoso Pazo de San Damián (concello de Amoeiro). Trinta e unha persoas. Xuíces, segredarios, persoal dos xulgados, avogados, procuradores, notario... E non sei se me queda algún esquecido. Tarde soleada e fermosa. Un bó cocido. Ambiente moi agradable. Cordialidade. E moita risa. Por ausencia de Don Manuel Souto Cacabelos, pronunció o discurso de rigor o avogado Don Perfecto Luis Rúa Rodríguez. Discurso breve pero "enjundioso", especialmente pola mímica e polo manexo do tono e da cadencia da voz. A contabilidade do xantar correu a cargo do actor de teatro, e tamén procurador, Don José Prada Martínez. Por suposto que non sobrou nin faltou un céntimo de euro. E a señora Xuiz, Dona Laura, fixo tamén de fotógrafo, lucindo unha fermosa e potente cámara. O reportaxe será estupendo, sen dúbida. Tamén se descubriu como fotógrafo artístico e orixinal Xan Alfonso. E o fundamental de todo foi que reinou a ledicia, a amizade, e a harmonía xeral. Un día para lembrar.
       E todo isto aconteceu no fermoso Pazo de San Damián, que foi contruído por Don Fernando Boán, cura de Abruciños, a finales do século XVI, e que recentemente foi restaurado para adicalo a casa de turismo rural.
• 22-12-2005: Xa están rematando as obras da segunda beirarúa da Avenida de Xulio Rodríguez Soto. Pola mañan vense tódolos días os obreiros da brigada municipal traballando, co lume acendido, para escorrentar a xeada. Porque hoxe, por certo, parece ser que chegamos a -7 grados, sí, sete grados baixo cero.
• 22-10-2005: O Peñasco reabriu as suas portas. Remozado. Fermosamente decorado. Pero conservando o fermoso chau case centenario. Luis e Madelón. ¡Noraboa!.
• 12-10-2005: Día do Pilar. Festa da Guardia Civil.
• 12-10-2005: Partido para recaudar fondos para axudar a FATIMA. No campo municipal de Espiñedo. Xogan o RCD CORUÑA contra un combinado do CD ARENTEIRO-MASIDE FC. O mércores día 12 ás 12 horas. Día festivo por ser día do Pilar. Vendéronse todas as entradas. Todo un éxito.
• 8-10-2005: No multifuncional, ás 8:30 da tarde, XXIII Festival Galaico-Portugués, coa participación da CORAL POLIFÓNICA DE VILA NOVA DE CERVEIRA, da ASOCIACIÓN VERINENSE AMIGOS DA MÚSICA, e da CORAL POLIFÓNICA CASINO DO CARBALLIÑO. Había bastante xente. Aplauso a rabear, para todos, pero moi especialmente para a Coral do Casino do Carballiño e para a súa directora Ana Docampo Arocas. A directora da coral portuguesa, Cintia Andrea Alves Pereira, moi noviña, pero moi simpática. A coral de Verín estivo dirixida por Edelmiro Mateo García, un home con pinta de afable e sonrinte. Despois un pincho e un viño. Había moi bo ambiente. Entre as autoridades estaba o Alcalde do Carballiño, Carlos Montes, e a concelleira Inmaculada Ucha.
• 7-10-2005: Despedida de Loly. Secretaria do xulgado número 1 do Carballiño durante máis de cinco anos. Moi querida polo personal do xulgado, polos avogados e procuradores, e por todo o mundo. Comida no restaurante Carballeira. Estaba todo moi rico. Discursos emocionados e cariñosos de Doña Laura Guede Gallego (Xuiz do xulgado número dous), Don Manuel Souto Cacabelos, Don Xosé Prada Martínez e da mesma Loly. Regalos. Había moita xente e moi bo ambiente. Unha tarde fermosa.
• 3-10-2005: Ourense adica o día mundial da arquitectura a DON ANTONIO PALACIOS, con celebración dun acto na igrexa da Veracruz, onde tamén se pode ver unha exposición de fotos da Vera Cruz feitas por membros da Asociación Potiños.
• 30-09-2005: O Concello do Carballiño concédeulle a medalla de ouro do concello ó actor francés, de moda, José García, fillo de carballiñeses emigrados a París. José García amosouse emocionado e fixo a súa intervención en galego.
• 16-9-2005: 11:30 da noite. Praza do Emigrante (que case todos chaman Plaza Roxa). Bustamante. A praza e as rúas ateigadas de xente. Público heteroxéneo. Dende bebés de poucos meses a persoas maiores de oitenta anos. E Bustamante canta. A xente escoita. Pero fai frio. E non acaba de quecer o ambiente. Por cada persoa que intenta bailar hay trinta que están firmes de pé, coma se foran estátuas. Soio o público que está mais cerca do palco (xente nova, moi nova) parece estar verdadeiramente metido no concierto. Canto remata a actuación de Bustamante empezan os fogos artificiais. O público miráos aguantando estoicamente o aire frío que corre.
• 15-9-2005: están empezando as festas do setembro 2005. Este ano parece que a actuación máis comentada é a de David Bustamante.
• 14-9-2005: xa fai uns días que comenzaron as obras de reforma do edificio no que estivo o Hotel Arenteiro. Este edificio é, sen dúbidas, un dos símbolos da vila do Arenteiro. Cando a súa reforma remate poderá quedar convertido nun dos nosos símbolos de modernidade..
• 13-09-2005: o Banco do Pituxo. Diante do Pituxo hai un banco, colocado na beirarúa, pegado á parede do restaurante. Contan que dende fai máis de setenta anos sempre houbo un banco nese lugar, e que cando polo uso se estropeaba o banco puñan outro novo no seu lugar. Cando remataron as obras da última reforma do Pituxo os clientes o primeiro que lle pediron ó dono é que volvese a poñer o banco no sitio de sempre. E así se fixo. Según parece o Banco do Pituxo é unha institución na vila do Carballiño. A min gústanme os bancos nas rúas, porque fomentan a tertulia e a relación social, e porque nos fan a vida máis levadeira. Os bancos son fonte de descanso para o corpo e para a mente. Unha vila con máis bancos será unha vila con menos estrés e con menos infartos.
• 9-9-2005: Juan Valcarcel inaugura, un ano máis, a sú exposición de pintura na rúa do paseo do Carballiño. Este ano leva por título: "...esos locos bajitos".
• 12 a 19 de agosto de 2005: Xornadas de Cine e Video de Galicia: XOCIVIGA. ¿Onde?. Vaia pregunta máis tonta. ¡No Carballiño!. Onde foron sempre.
• 14-08-2005: 11 da noite. Carballiño está cheo de xente. Nas terrazas non se atopa ningunha mesa libre. Na praza maior canta María do Ceo. A súa voz resoa forte, poderosa, enmeigada... e o público, que ocupa a praza toda, aplaude a rabear. Todo cheira a ledicia.¡Qué fermoso é o verán!!.
• 14-08-2005: Lenvanteime pola manán en Ares e baixei á praia: estaba ateigada de xente. Facía un día espléndido. Logo fomos a Acuapark (concello de Cerceda): estaba tan cheo de xente que non cabía unha formiga. Colas para todo. E unha hora de espera para conquerir un bocata para comer. Eran as oito da noite cando chegamos ó Carballiño: o Parque Municipal e as rúas do pobo estaban cheas de xente. Contan que houbo ó redor de 70.000 persoas hoxe no Carballiño na festa do polbo. Agora estou na casa e penso: ¡Eu non sei de onde sae tanta xente!. .
• 14-08-2005: Festa do polbo, antes do pulpo, do Carballiño. Cóntase que asista o presidente da Xunta.
• 12-08-2005: no salón de actos do Centro Comarcal do Carballiño: conferencia do doutor Xaime Enríquez Paradela, médico do hospital sant Pau de Barcelona e socio do Instituto de Estudios Carballiñeses, co título: Estado actual da hepatite C. Despois de rematar a conferencia celébrase a asemblea Xeral ordinaria do IEC. E preséntase o número 10 da revista Ágora do Orcellón. Termina todo cunha cea no Derby á que asisten 25 persoas.
• Agosto do 2005: Manuel Vazquez Fernandez, Pachi Vazquez, o que fora alcalde do Carballiño durante dez anos, é agora o Conselleiro de Medio Ambiente.
• 21-07-2005: Elisa Dominguez preside (no salón de actos do Casino) o acto de clausura do Curso de Termalismo. Remata así un curso ó que asistiron 41 alumnos, a mor parte deles mulleres (e ben fermosas, por certo). Todos moi contentos. Nótase satisfacción e ledicia nas caras. A verdade é que se respira un algo de optimismo e de ilusión que fai sentir que loitar por facer cousas para que o mundo sexa mellor segue tendo sentido. (Por certo que Elisa Dominguez é unha persoa que arrecende a simpatía e cercanía, que desempeña moi ben o papel institucional de Alcaldesa (ainda que sexa en funcións), unha persoa coa que un se sinte ben. E probablemente sexa esta a primeira alcaldesa que tivo o concello do Carballiño, ¿non si?).
• 19-07-2005: O Instituto de Estudios Carballiñeses e a Universidade de Vigo (Campus de Ourense) organizan un novo curso de Termalismo. Título do curso: Termalismo: Augas e barros. Datas: 18, 19, 20 e 21 de xullo. Lugar de celebración: Centro Termal (O Carballiño), Balneario de Mondariz (Mondariz), Centro Talaso Atlántico (Baiona) e Balneario de Lobios (Lobios).Directores do curso: D. Xosé Luis Legido Soto, Dna. Lourdes Mourelle Mosqueira e D. Avelino Muleiro García .Asisten máis de corenta "alumnos". É unha gran honra para o Carballiño o feito de que este curso teña lugar. E debémosllo a Avelino Muleiro, unha persoa que caladamente loita polo ben do Carballiño dende fai moitos anos. Gracias, Avelino.
• 06-07-2005: Carballiño chora. Olladas silandeiras. Corazóns encollidos. Dor. Unha frol inocente arrincada de súpeto. Misa ás oito do serán. A Veracruz ateigada de xente. Rezos, silencio e bágoas. Unha familia rota. Todo o pobo ferido. Unha caixa branca. E dentro unha nena de menos de dous anos. Morreu unha nena inocente. E non somos capaces de entendelo. Eu pídolle a Deus que lle axude ós pais e a familia toda a seguir adiante nestes momentos tan difíciles.
• 01-07-2005: Xa levan algún tempo funcionando os colectores do lixo soterrados, ainda que non houbo inauguración oficial. E tamén xa se pode facer uso da remodelada praza das Galiñas, ainda que tampouco foi inaugurada. O Pituxo xa non ten andamios, e xa abriu de novo. Cafetería, hotel, restaurante. Quedou moi fermoso. E tamén parece que pronto van a reabrir o Peñasco.
• 20-05-2005: Cena de políticos e empresarios do Carballiño no Restaurante Santa Cruz coa muller de presidente de Panamá. É a primeira vez que unha primeira dama visita a vila do Carballiño.
• 20-05-2005: O Instituto CHAMOSO LAMAS de Carballiño está celebrando o seu 25 cumpleanos. O venres 20 de maio cena no restaurante Isis Faria, con asistencia de más de duascentas persoas: alumnos, profes, exalumnos, exprofes ... Foi unha fresta grande para os amigos do Chamoso. Seguida de baile que se prolongou máis alá das seis da mañán. Contan as crónicas que as mulleres bailaban sen parar ... e que os homes, sentados, falaban entre sí, recordando vellos tempos. Pero que, en calquera caso, uns e outras pasárono moi ben. Como debe ser.
• 14-05-2005: Despois de dez anos no cargo o alcalde do Carballiño, "Pachi Vazquez", dimite para presentarse ás eleccións do Parlamento Galego, e déixalle o seu posto de rexidor do concello do Carballiño a Carlos Montes.
• 14-05-2005: Estes días andan facendo obras na praza das Galiñas, para pavimentala, e para unificala coa praza de Emilia Pardo Bazán. Un bo novo cacho de Carballiño gañado para a peatonalización e para o disfrute dos veciños.
• 11-05-2005: Peregrinación da parroquia de Carballiño á igrexa de Fátima de Ourense. Dous autobuses grandes ateigados de xente. E logo a xente que foi en coche particular. Misa en galego ás nove da noite na igrexa de Fátima, que estaba completamente chea. Presidiu don José Benito.
• 04-05-2005: Santiago. Hostal dos Reis Católicos. Xuices, fiscais, secretarios de xuzgado... homes e mulleres ... xúntanse en Santiago para decir que están dispostos a usar a língua galega na administración de xustiza. Galeguizar Galicia. Deixar patente que o galego é unha lingua "como Dios manda", que sirve non soio para falar cos amigos, senón tamén para redactar todo tipo de documentos. E que naide se debe sentir discriminado por falar galego. O acto está organizado pola Asociación de funcionarios apra a normalización linguística de Galicia, presidida polo amigo Monteagudo. E detrás do telón está, ¡¿como non?!, Xosé González, funcionario do concello de Redondela e argallante maior en todas as movidas que se organizan para defender a lingua galega. O acto ten moita solemnidade: polo lugar no que se celebra, polos medios de comunicación presentes, polos políticos que interveñen (entre outros o Presidente da Xunta, Don Manuel Fraga, e dous conselleiros), e sobre todo pola relevancia das persoas que se están comprometendo públicamente a empregar e defender o idioma galego. Entre os comprometidos no acto figuran varias persoas vinculadas co Carballiño, entre as que podemos citar a: Don Carlos Varela García, Fiscal-Xefe do Tribunal Superior de Galicia; Don Luis Doval Pérez, Xuíz do Xulgado número 1 do Carballiño; Don Antonio Piña Alonso, que foi fai poucos anos xuíz do Xulgado número 2 do Carballiño e que agora mesmo é Maxistrado do Xulgado número 3 de Ourense e decano dos xuíces de Ourense...
• 03-05-2005: galicias.com chega a 1.000.000 de visitas.
• 23-04-2005: día do libro. Nun lugar de Galicia ... Na praza maior do Carballiño levouse a cabo unha lectura do libro do Quixote, en galego, dende as doce do mediodía ata as doce da noite. Doce horas de lectura ininterrumpida. 72 quixotes ou lectores, cada un dos cales leu durante dez minutos. Día morno, no que o sol bailou coa chuvia, alternándose ós poucos. O concello puxo unha carpa, un atril, un micro e un altavoz, unha lámpara para poder seguir lendo cando se fixo de noite, unhas cantas sillas para o público, ... O señor Alcalde foi o primeiro en ler, abrindo o acto ás 12 en punto. Na lectura participaron tamén outros políticos de todos os partidos e moitos outros persoeiros da vila do Carballiño e incluso de fora dela (como o subdirector do libro). Pero foi fundamentalmente una acto quixotesco dos veciños, novos e vellos, homes e mulleres ... xentes de toda idade e condición social. Organizou o Instituto de Estudios Carballiñeses e a Concellería de Cultura do Concello do Carballiño e a Biblioteca Municipal do Carballiño. Os que realmente curraron foron principalmente José (o bibliotecario) e José Ignacio Bello. Foi unha fermosa aventura quixotesca que todos os participantes ofrecemos ás nosas fermosas sin par Dulcineas do Toboso.
• 17-04-2005: hoxe cúmplense 44 anos do falecemento de don Evaristo, o promotor da Veracruz.
• 09-04-2005: ás 20:00 misa funeral solemne -en galego- na igrexa da Veracruz do Carballiño por Juan Pablo II. A igrexa abarrotada. Preside don José Benito. Hai bastantes cregos mais. Están as autoridades: Sr. Alcalde, concelleiros, membros dos partidos da oposición. Fermosa homilia. Carballiño únese a esta cadea de oración que se espallou polo mundo enteiro como consecuencia da morte de Juan Pablo II. Gracias, Juan Pablo II, por todo o ben que fixeches coa tua vida e coa tua morte.
• 08-04-2005: Funeral en Roma por Juan Pablo II. Impresionante a cantidade de xente. Impresionante a cobertura dos medios de comunicación. Impresionante a repercusión que tivo en todo o mundo. Un home bo. Un home coherente. Un home de fe. Un home de paz. Un lider indiscutible. Juan Pablo II fixera moitas viaxes e en todas elas xuntara moita xente para escoitar a súa mensaxe. Pero esta derradeira viaxe súa foi a máis importante, a que máis xente congregou e a que máis repercusión tivo: millóns e millóns de persoas de todo o mundo acompañaron a Juan Pablo II nesta súa derradeira viaxe. Rezando, pensando, falando, xuntándose, ... de mil maneiras. Cicais a morte deste papa foi a súa predicación mais grande e o maior servicio que lle fixo á Igrexa Católica. Estou seguro de que a súa morte fixo medrar a fe en Deus moito máis ca calquera dos seus outros actos. Hai xente que hasta despois de morta sigue facendo o ben.
• 02-abril-2005: hoxe morreu o Papa Juan Pablo II. Ás 21:37 horas. O mundo está triste. Un santo deixa a terra para ir ó ceo. Despois de moitos traballos, Deus chamouno para que fose descansar ó seu lado. Aquí na terra deixa un rastro moi fondo. Este Papa cambiou o mundo en moitos aspectos, e moito máis houbera cambiado se os gobernantes houberan feito caso dos consellos e das ideas de Juan Pablo II. Predicou sin descanso a xusticia e o amor social. As primeras verbas que dixo cando fai 26 anos foi elexido Papa foron: "Non teñades medo ...". E agora dende o ceo seguramente nos está dicindo o mesmo: "Non teñades medo. Eu estou ben, estou con Deus. E Deus sigue convosco. Non teñades medo. Abride as portas a Cristo. Deixar entrar a Deus no voso corazón".
• 12-03-2005: Están xa a punto de rematar a obra para colocar os colectores do lixo soterrados beira da praza de Abastos do Carballiño. Serán os primeiros colectores soterrados que haxa no Carballiño.
• 12-03-2005: galicias.com chega ás 800.000 visitas, xusto cinco meses despois de haber chegado ás 400.000.
• 12-03-2005: Festa da Mimosa no Casino do Carballiño. O pregón é a cargo de Victor Moro. Logo cena e baile.
• 11-03-2005: ás 20:15 no salón de actos do Casino ten lugar una mesa redonda con periodistas para falar dos medios de comunicación. Dirixe Avelino Muleiro. Asisten: Emilio (da televisión do Carballiño), Isabel (da Región, corresponsal en Ribadavia), Berta (de onda cero), Luisa (da COPE),, Javier Moro (de Faro de Ourense e Arenteiro Dixital). Asite pouco público. Pero a mesa redonda está moi interesante. Dura hora e media larga. Pero o tempo pasou voando.
• 11-03-2005: Fai un ano que foron os atentados de Madrid. Cocentración na praza Maior do Carballiño para recordalo e para pedir que non volva a suceder. Asistiron tamén á concentración os nenos do colexio.
• 05-03-2005: O Peñasco leva xa varios días pechado. Con un cartel que dice SE TRASPASA RENTA BAJA. Alí dentro, agochados entre aquelas catro paredes, dorme unha boa parte da historia non escrita do Carballiño: tertulias, amizades, soños... O Peñasco non é unha cafetería calquera: ten moita personalidade. Como tamén a ten o Pituxo. E o Celia. E outros moitos sitios. E agora está pechado. Pode que se traspase. Pode que volva a abrir as súas portas. Pode ... Pero seguramente será por poucos anos. A miña intuición dime que antes de quince anos onde hoxe está o Peñasco ... farán un burato, colocarán un guindastre, e levantarán un edificio novo, moderno, impersonal, como calquera outro. Unha casa de planta baixa no medio da rúa principal é un luxo que a especulación urbanística non pode permitir por moito tempo. E comprendo que, romanticismos aparte, é lóxico e normal que así sexa, pois o mundo está organizado deste xeito e non doutro.
• 26-02-2005: Hoxe pola mañanciña Carballiño apareceu vestido de branco. Neve nas ruas e nos teitos das casas. Neve nas terrazas e nas árbores. Neve. Neve branca e fresca. E onte pola tarde choveu un pouco. Este ano estamos tendo un inverno frío e seco. Dende que empezou o ano case que non choveu nada en Galicia. Nevou por Europa adiante. E nevou por outros lugares de España. Pero por estas terras galegas foi máis o sol que a neve ou a auga. E o mesmo debe estar pasando en Portugal, pois o periódico "LA VOZ DE GALICIA" traía onte na portada esta curiosa noticia: "Portugal combate la sequía bombardeando las nubes para provocar la lluvia. El pasado mes de enero fue el más seco en el país vecino desde el año 1900".
• 13-02-2005: O periódico LA REGION trae hoxe unha noticia na que se conta que no ano 2004 houbo 133 accidentes no Carballiño.
• 08-02-2005: Martes de entroido. Gran desfile de comparsas en Carballiño. A comparsa "CARLINHOS BROWN", organizada polos amigos do Titanic, desfila e gaña o primeiro premio absoluto, dotado con 1800 euros. Unha tarde soleada, expléndida, con boa temperatura. O público que presencia o desfile é moi numeroso.
• 07-02-2005: A comparsa "CARLINHOS BROWN" gaña o terceiro premio no concurso organizado en Ourense, na praza do Correxidor. Neste concurso soio estan presentes soio unha cuarta parte dos membros da comparsa. Se estiveran todos non habería quén lles quitase o primeiro premio.
• 06-02-2005: A comparsa "CARLINHOS BROWN", organizada polos amigos do Titanic, desfila no carnaval de Ourense e acada un éxito total: gaña o primeiro premio absoluto, dotado con 1200 euros, e un dos seus compoñentes, Diego González ("perlita Brown") é elexido "rei do entroido", polo que obten un premio de 600 euros.
• 06-02-2005: XI Festa da cachucha no Carballiño: máis de 250 persoas xuntanse baixo a carpa instalada na praza do Emigrante para comer cachuca e outras viandas. Moitos asisten disfrazados. A noticia sae, por exemplo, no FARO DE OURENSE do día 7 de febreiro, páxina 5. Polas rúas do Carballiño hai ambiente de carnaval. Fai frío. Non chove, de momento. Pola tarde anda pola rúa a charanga dos Liborianos.
• 05-02-2005: Asemblea Xeral do Insituto de Estudios Carballiñeses no Casino do Carballiño. Presentouse o número 9 da revista Ágora do Orcellón.
• 03-02-2005: Xa se pode camiñar pola nova beirarúa empedrada da Avenida de Xulio Rodríguez Soto, dende a Praza do Emigrante ata a entrada do Parque. A beirarúa da dereita (indo cara o Parque) xa está empedrada e con faroles. Da gusto camiñar por ela. A beirarúa da esquerda ainda está como antes.
• 03-02-2005: Están empezando os carnavales. Hoxe, xoves, xa houbo festa infantil no colexio Sagrado Corazón. Este domingo hai desfile de carrozas e comparsas en Ourense. E o próximo martes desfile de carrozas e comparsas aquí no Carballiño. Este ano os carnavales veñen moi cedo: a principios de febreiro. E a xente pregúntase ¿por qué os carnavales uns anos son máis cedo e outros anos máis tarde. E naide sabe dar unha resposta convincente. Para os que teñan curiosidade voulles dar a explicación. Os carnavales son xusto antes do comenzo da cuaresma, que empeza o mércores de cinsa. E a cuaresma son os corenta días anteriores ó domingo de resurrección. Todo (os carnavales, a cuaresma e a semana santa) está pois en función da data na que cae cada ano o domingo de resurrección. E o domingo de resurrección cae no primeiro domingo da primavera no que hai lúa chea. A festividade do domingo de resurrección ten a súa orixe na pascua xudía. E os xudeos guiábanse polo calendario lunar e celebrában a pascua no primeiro domingo da primavera que tiña lúa chea. Tradicción ésta que se mantén, aínda que nos seguimos o calendario solar e non o lunar. Esto é o que explica que as datas dos carnavales e das vacións de semana santa varíen cada ano.
• 02-02-2005: O periódico LA REGION conta que a Xunta de Galicia editóu un fermoso libro sobre a contrucción do Templo da Veracruz do Carballiño. Está escrito por Adolfo Otero Cerdeira, un dos fillos de Adolfo Otero Landeiro (o construcctor da Veracruz). Nel cóntase, entre outras moitas cousas, cómo se foron facendo as obras desta fermosa igrexa. Un libro estupendo para os carballiñeses, para os que están interesados nas obras do arquitecto Antonio Palacios e para todos os amantes da arquitectura galega do século XX. Por certo que neste libro atopamos tamén marabillosas fotos da igrexa da Veracruz, algunhas de cando a estaban facendo e outras da actualidade. Un libro que forma parte importante da historia do Carballiño.
• 01-02-2005: Empeza a "emitir" para todo o mundo unha nova páxina web que se chama galicias.com/agora. Nela vanse recoller noticias relacionadas co Instituto de Estudios Carballiñeses e coa revista que publica chamada Ágora do Orcellón. E pode que máis adiante se amplie o seu contido a outros asuntos. Desexámoslle longa vida. E que a súa existencia sexa positiva para O Carballiño e para as súas xentes, para as da vila e para as da diáspora.
• 19-01-2005: Están facendo un gran burato rectangular beira da Praza de Abastos. No chau. Grande e fondo.. Unha excavadora botou hoxe medio día traballando. ¿Para qué será?. Non o sei certo. Pero pola ubicación e tamaño ... eu case diría que pode ser un sartego ... para enterrar os colectores do lixo. ¿Van empezar a poñer colectores de lixo soterrados na vila do Carballiño?. Cicáis sí. E se así é ... ¡benvidos sexan!.
• Neste comenzo do ano 2005 a presencia da vila do Carballiño en internet é moi importante. A modo de exemplo podemos citar as seguinte páxinas: galicias.com: unha páxina feita dende o Carballiño na que se atopan fotos de moitos pobos e lugares de Galicia, información sobre o grupo de senderismo dos rillamillas, información sobre as actividades da asociación fotográfica O POTIÑOS, e moitas cousas máis; www.arenteiro.com: con información sobre a bisbarra do Carballiño, a súa xente, a súa historia, a súa cultura; www.temploveracruz.com: unha fermosa páxina na que se pode ver con detalle a historia das elección no Carballiño dende o ano 1979, e na que hai ademáis unha estupenda exposición de fotos (novas e vellas) do Carballiño; iesmanuelchamosolamas/metereoloxia.com: a páxina do tempo que fai e vai facer no Carballiño; www.carballino.org: a páxina web oficial do Concello do Carballiño;
• 15-1-2005: inauguración no Mosteiro de Oseira dunha fantástica exposición de fotografías en branco e negro feitas por membros da asociación fotográfica O POTIÑOS. Esta é a primeira exposición que os "potiños" levan a cabo fora do concello do Carballiño. No ano 2004 revitalízase a asociación fotográfica O POTIÑOS coa incorporación de novos membros e novas actividades. A chegada a Carballiño do fotógrafo mexicano HECTOR GUZMAN dalle un gran impulso a esta asociación fotográfica. O grupo xúntase para ir a facer fotos e logo os que queren traballan no laboratorio de revelado en branco e negro que ten a asociación. Con poucos medios, pero con moita imaxinación e moita ilusión, prepáranse varias exposicións fotográficas, entre as que destaca, pola súa calidade e importancia, a de Oseira, que se expón primeiro no Concello do Carballiño, e logo no mesmo Mosteiro de Oseira, onde se inaugura o día 15 de xaneiro do 2005, con asistencia do Señor Alcalde de Cea e de varios monxes do mosteiro, e coa presencia da televisión local do Carballiño e de varios medios de prensa. Alí, o mesmo día da inauguración, algunhas persoas asistentes ó acto valoran moi positivamente as fotos expostas e piden que se é posible se prepare unha exposición das mesmas no Liceo de Ourense. Algunhas das fotos feitas por membros da asociación O POTIÑOS pódense ver tamén nesta web.
• 14-1-2005: Comida no Esclavo de despedida de DON JOSE MANUEL RUIZ GARCIA, que durante 5 anos foi xuiz titular do xuzgado número 1 do Carballiño, que ascende a maxistrado e se traslada para Figueres. Houbo unha asistencia masiva. Discurso de Don Manuel Souto Cacabelos, Don Xosé Prada Martínez, e do mesmo homenaxeado DON JOSE MANUEL RUIZ GARCIA.
• 12-10-2004: galicias.com chega ás 400.000 visitas.
• 12-10-2004: día do Pilar. Celebrouse como tódolos anos a Festa da Garda Civil, con misa solemne ás 12:30 no templo da Veracruz, e comida popular na discoteca Paulino. Asistiron varios centos de persoas.
• 17-9-2004: inauguración da estatua de Don Evaristo Vaamonde, na explanada da Veracruz. Don Luciano Evaristo Vaamonde da Cortiña naceu no ano 1.880 e foise ó ceo un día 17 de abril de 1961. A súa gran obra espiritual foi o ben que sementou nas xentes de Carballiño dende o ano 1930 ata o día do seu falecemento e a súa gran obra de pedra foi o Templo da Veracruz.
• 6-8-2004: presentación do número 8 da revista AGORA DO ORCELLON.
• 19-07-2004: Publícase no BOE o "REAL DECRETO 1486/2004, de 18 de junio, por el
  que se nombra Fiscal Jefe del Tribunal Superior de Justicia de Galicia a don Carlos Varela García".
• Según dí La voz de Galicia, o día 16-6-2004: O carballiñés Carlos Varela será desinado Fiscal Xefe do Tribunal Superior de Xustiza de Galicia. Dende esta web queremos darlle a nosa máis sincera e cordial noraboa a este carballiñés amante da súa terra. ¡Noraboa, Carlos!
• 27-03-2004, día mundial do teatro. No multifuncional, ás 20:30, levouse a cabo polo grupo de teatro TIRULEQUE (baixo a dirección de JOUSE) unha lectura dramatizada da obra de teatro "MARIA FERNANDEZ" (do autor PEDRO MUÑOZ SECA). Tratábase de rememorar así o 50 aniversario da representación da devandita obra que tivo lugar no desaparecido cine Alameda, alá polo ano 1954. Aínda viven algúns dos que foron actores naquela representación.
• 26-03-2004. No multifuncional, ás 22:30 horas, representouse no Multifuncional a obra de teatro "VANCETTI", escrita no ano 1993 polo dramaturgo Luís Araujo. Un obreiro italiano emigrado a USA que pedía a berros máis xusticia social e que foi condenado por dous crimes que non cometera. Morreu na silla eléctrica. A súa hirmá. O seu pai. Os seus sufriron e loitaron contra un absurdo. Todo foi representado marabillosamente pola compañía TEATRO DO ATLANTICO (constituída no ano 1985, e que ten a súa sede en Sésamo (Culleredo, A coruña). Non asistíu moito público (menos de media entrada). Pero o que había soupo valorar o bo traballo dos actores que recibiron ó remate un longo e caluroso aplauso. A obra básase nun feito histórico acontecido en USA arredor do ano 1920: Saco e Vancetti foron condenados a morte e executados por un delito que non cometeran. Tempo andando demostrouse que eran inocentes. Pero xa naide foi quén de devolverlles a vida que inxustamente lle segaran. Entradas a 3 euros.
• 21-03-2004.- XXXVIII FESTA DA MIMOSA.- Magnífico pregón de GONZALO NAVAZA BLANCO. Estupenda actuación da CORAL DO CASINO DE CARBALLIÑO. E presencia na festa de Uxía Blanco que lle deu un matiz especial e que fixo que "esta festa da mimosa fose diferente das anteriores". Cena no restaurante DERBY (marisco, merluza, cabrito e tarta). E baile con orquesta no Casino. Foi realmente un día marabilloso.
• 16-03-2004: A VOZ DE GALICIA publica un artigo (unha páxina enteira) falando da fermosa e interesante web WWW.ARENTEIRO.COM e do seu creador (Amancio Carballido). Leva pouco máis de dos meses na rede. Pero promete ser un estupendo fogar virtual para a expresión da cultura do Carballiño e da súa bisbarra. Animo a todos a visitar esta web e a disfrutar paseando tranquilamente por os seus fermosos recantos. Quero desexarlle o mellor a esta páxina e dárlle a noraboa ó seu creador. Gracias Amancio, polo teu traballo desinteresado a prol da nosa cultura..
• En toda a provincia de Ourense, despois de Ourense capital (que ten 89.104 electores), O Carballiño é o concello que ten máis electores (10.900), seguido de Verín (10.393), O Barco (10.283), Xinzo de Limia (7.949), Barbadás (5.943), Celanova (5.186), Pereiro de Aguiar (4.740), Ribadavia (4.721) e Allariz (4.632).
• Os resultados (provisionales) das eleccións de 14 de marzo de 2004 na bisbarra de Carballiño foron os seguintes no que ó Congreso se refire:
  
  

  Municipio	ELECTORES	PP	PSOE	BNG	IU-EU	OTROS	NULOS	BLANCOS	ABSTENCION
  Beariz	1160	766	53	19	2	3	5	9	26,12
  Boborás	2768	1450	397	135	4	8	8	4	27,53
  Carballiño (O)	10900	4498	2604	991	66	39	55	111	23,27
  Irixo (O)	1909	949	264	89	3	4	5	7	30,8
  Maside	2802	1444	633	124	10	6	5	27	17,74
  Piñor	1350	600	374	74	6	2	4	6	21,04
  Punxín	857	409	213	54	3	3	4	8	19,02
  San Amaro	1269	675	251	62	0	6	10	6	20,41
  San Cristovo de Cea	2688	1426	409	284	7	6	13	19	19,49
  Sumas totales	25.703	12.217	5.198	1.832	101	77	109	197	22,82

  
  
• O PSOE gañou as eleccións do día 14 de marzo de 2004 obtendo 164 diputados, seguido do PP que conqueriu 148. O BNG acadou 2 diputados. Pero na provincia de Ourense o ganador foi o PP con 3 diputados, seguido do PSOE con 1 diputado.
• 12 de marzo de 2004: A Vila do Carballiño sigue mollada de bágoas e tristura polos mortos e feridos en Madrid. Concentración ás 12:00 diante do concello. E manifestación ás 19:00 na Praza Maior "COAS VICTIMAS. COA CONSTITUCION. POLA DERROTA DO TERRORISMO". A manifestación das 19:00 foi multitudinaria. A plaza e as rúas estaban abarrotadas de xente. Moitos establecementos e comercios pecharon ás sete da tarde para asistir á manifestación e logo volveron a abrir cando rematou.
• 11 de marzo de 2004: O Carballiño enteiro quedou conmovido polos atentados de Madrid. Ás 12:00 houbo unha manifestación na Praza Maior. Na eirexa, en moitas casas, en moitos corazóns, .... rézase polos mortos, polos feridos, e polas súas familias e amigos..
• Marzo de 2004 empieza tranquilo, con buen tiempo. De cuando en cuando se escuchan por las calles de Carballiño los altavoces de algún coche de propaganda electoral. Pero no se percibe sensación de crispación política ni de enfrentamiento entre partidos.
• 27 de febrero de 2004: a las 8:30 de la mañana nevó copiosamente. Pero no llegó a cuajar. Luego hizo un día frio, pero limpio y soleado. Cayó nieve de cuando en cuando. Fue un día bonito, cargado de aire fresco y puro, y de energía positiva. Los carballiñeses estuvieron contentos.
• En este año 2004 se están llevando a cabo obras de reforma en el PITUXO: una de las casas de comidas más antiguas y emblemáticas de la Villa de Carballiño. El edificio se vació totalmente por dentro, conservándose la fachada.
• 25 de febrero de 2004: entierro de la sardina en la Plaza Mayor. Se quemó un muñeco con una camiseta en la que se leía el nombre de NINFAS.
• Día 24 de febrero de 2004. A las 10:45 horas de la mañana está nevando copiosamente en la Villa de Carballiño. "Caen mansamente grandes farrapos de neve. Pero as folepas de neve derrétense nada mais tocar o chau: non cualla".
  Este mismo día por la tarde tuvo lugar un excelente desfile de carnaval en Carballiño. Numerosas carrozas y más de mil personas recorrieron las principales calles de la villa, en presencia de un numerosísimo público. La tarde estuvo fresca, pero ni la lluvia ni la nieve se atrevieron a molestar el desfile carnavalesco.
• Del año 2003 recordamos algunas cosas:

  • La reforma de las aceras de la Avenida de Julio Rodríguez Soto.
  • La terminación de las obras de construcción del Edificio El Corral, en el solar donde había estado el Colegio Isabel La Católica.
  • La inauguración del aparcamiento contruído por Regenga San Fiz, SL, en el subsuelo de la Alameda y la Plaza del Emigrante. Sobre el aparcamiento se colocó una nueva rotonda con una nueva fuente (diseñada por CHEMA DAPENA) y un momumento a la emigración (obra de JESUS CARBALLIDO).
  • La inauguración de la plaza de LOS LIBORIANOS el día 1 de marzo de 2003.
• Día 25 de abril de 2003: Nace galicias.com. Eran las diez horas, un minuto, cuarenta y siete segundos.
• 1999. Novas eleccións municipais nas que Pachi obtén maioría absoluta.
• 1996. O censo da vila do Carballiño ten rexistrados 8.631 habitantes (o 70% da
  poboación de todo o municipio, notándose un enorme descenso nas parroquias do
  rural.
• 03-07-1995.- Toma posesión da notaría do Carballiño o notario JUAN ANTONIO RUA PRIETO.
• 1995. Novas eleccións municipais das que sae alcalde Manuel Vázquez (Pachi), do PSOE, con apoio do BNG. Nestas eleccións preséntase por primeira vez o partido Nacionalistas de Galicia, partido fundado por Avelino Muleiro e que estaba encabezado nesta circunscrición por Pedro Rodriguez Rey, que non obtén representación.
• 1991. Argimiro Marnotes deixa a alcaldía despois de 14 anos. O novo alcalde é José Luis García Rodriguez, polo Partido Popular, quen deixará o seu cargo por motivos persoais dous anos máis tarde a Arturo Marquina, tamén do PP.
• 13-09-1990: Inaugúrase no Carballiño o cine PARADISO, na rúa Curros Enriquez. Conta o periódico LA REGIÓN que o PARADISO é o quinto cine que se abre na Vila. O primeiro foi o PABELLÓN NEIRA (1911), e logo viñeron O ALAMEDA (1948), O REQUE (1958) e o RIVAS (1962).
• 1987. Argimiro Marnotes volve ter maioría absoluta nas eleccións municipais deste ano.
• 1985.- Nace no O Carballiño a ASOCIACIÓN FOTOGRÁFICA O POTIÑOS.
• 1983. A fábrica de TANOSA, ubicada en Seoane despide 70 traballadores. Os afectados, co apoio da INTG péchanse nas instalacións da empresa, na Casa do Concello e na sucursal da Caixa de Aforros. En decembro, hai unha concorrida manifestación polas rúas do pobo co respaldo do Concello.
• 1983. Hai novas eleccións municipais e Argimiro Marnotes sae elexido alcalde baixo as siglas de Coalición Galega, unha escisión de UCD.
• 1983. Póñense a disposición do Estado os terreos onde estivera o Cuartel da Garda Civil para construír o Palacio de Xustiza, comezando as obras pouco máis tarde.
• 1983. É desmonatado o chalet “Casa Mar”.
• 1982. O 10 de marzo o BNPG. presenta unha moción de censura contra o alcalde, Argimiro Marnotes, que é apoiada por todas as forzas políticas da oposición, pero a moción non prosperou por ter maioría o equipo de goberno.
• 1982. No mes de xaneiro apróbase o Plan Parcial do Polígono da Uceira e urbanízase o lugar para poñer ó servizo dos empresarios solo industrial.
• 1981. Apróbase o proxecto técnico da Casa da Cultura.
• 1981. Cédense os terreos e o inmoble ó Estado para habilitar o Fogar do Pensionista da Avda. Julio Rodríguez Soto.
• 1979. Inauguración do novo Cuartel da Garda Civil na rúa do Irixo, preto da Ponte da Veiga.
• 1979. O Concello aproba as Normas Subsidiarias Urbanísticas, dando conta no pleno do 28 de decembro da aprobación das mesmas pola Comisión Provincial de Urbanismo.
• 1979. Primeiras eleccións democráticas nas que saen elexidos: 9 concelleiros pola UCD, 4 concelleiros pola Coalición Democrática, 1 concelleiro por Unidade Galega, 1 concelleiro polo PSOE e 2 concelleiros polo BNPG. O alcalde que sae desta nova corporación é Argimiro Marnotes que ten maioría absoluta.
• 1979. Entra en funcionamento no curso 1979-80 o Centro de Formación Profesional en Mesego.
• 1978. O Concello pon a disposición do Ministerio de Educación 800 m2 do Campo da Feira para construír o Colexio de Preescolar.
• 1978. Nos plenos do Concello de xuño e outubro acórdase ceder os terreos ó Ministerio de Sanidade e Seguridade Social no monte de Veiga para a construcción da Residencia de Anciáns, aínda que se tardaron algúns anos en levarse a cabo.
• 1977. Nun pleno do Concello do 14 de novembro, decídese levar a cabo unha consulta popular para peatonizar as rúas Mosquera e Rosalía de Castro, resolvendo pouco despois o Concello abrilas unhas horas ó día para servizo de carga e descarga.
• 1977. Accede a alcalde (mes de abril) desde a súa condición de 1º Tenente de Alcalde Argimiro Marnotes, substituíndo a Javier Perea que presentara a súa demisión.
• 1976. O 27 de xullo inauguración do Instituto de Señorín polos reis don Xoán Carlos e dona Sofía.
• 1974. Dáselle o nome de Carrero Blanco á Avda. de Arcos, con motivo do asasinato de Luís Carrero Blanco a mans de ETA o 20 de decembro de 1973. Posteriormente este nome cambiaría polo de rúa Castelao.
• 1973. Entra en funcionamento a piscina municipal.
• Ano 1964.- Fundación do Casino do Carballiño.
• 28-06-1961.- Publícase a GUÍA DO CARBALLIÑO, obra de DON JOSE FARIÑA JAMARDO.- Nela podemos ler, por exemplo, o que segue: "...En la actualidad hay en Carballiño un magnífico cine-teagtro, el Alameda, y un pabellón para cine, el Neira. La capacidad de ambos es de 860 butacas. El veraneante puede ver en Carballiño cine todos los días y con programas variados. En el Alameda acúan a veces compañías de teatro..."... "Siempre existió (en Carblliño) una notale preocupación urbana y por la relgamentación del crecimiento de la población. Lo demuesta que ya en 1843, y por encargo del Ayuntamiento, hiciese el señor Gianzo, arquitecto de La Coruña, el planode población de la entonces incipiente villa, y que en el mismo estructurase y proyectase la forma regular que podía recibir la "población del Carballino"... En 1896 formula... don Jesús Palacios un nuevo plano de reforma y ensanche de la villa... ... Sobre el plano de población... del ingeniero señor Enriquez, fechado en 39 de junio de 1955, con curvas de nivel, básico para la formación de los proyectos de abastecimiento de aguas y alcantarillado, han trazado cuatro arquitectos madrileños en 1959 el nuevo Plan de Ordenación Urbana... ...Este proyecto, urbanísticamente muy avanzado, regula un futuro Carballiño de más de 20.000 habitantes..." "El conjunto urbano carballiñés comprende unas 1.000 edificaciones en más de cincuenta calles y plazas... El alumbrado de las calles, con lámparas de vapor de mercurio corregido, es moderno y eficiente. A la vistosidad... y al buen ornamento y parecer de la villa cooperan los escaparates de los comercios instalados en las principales calles. En marcha el abastecimiento de aguas, obra que se contrató en cerca de 12 millones de pesetas; iniciadas las obras de acantarillado, cuando finalicen estas y las posteriores de pevimentación que han de emprenderse, Carballiño se convertirá en una villa y un centro veraniego urbanísticamente ideal"
       ¿Qué diría Fariña Jamardo se volvera a escribir sobre cómo seguiu despois o urbanismo do Carballiño?
• 17-04-1961.- Morreu Don Evaristo, o cura párroco do Carballiño, promotor do templo da Veracruz. Chamábase don Luciano Evaristo Vaamonde da Cortiña. Nacera en Moreiras (cerca de Ourense) no ano 1880. Estudiou no Seminario de Ourense e antes de vir para o Carballiño estivo de cura en Sobrado do Bispo. Chegou ó Carballiño no ano 1930, cando tiña 50 anos. Daquela estaban facendo as obras do ferrocarril de Zamora-A Coruña. A nosa vila xa tiña medrado bastante durante as primeiras décadas do século XX. E don Evaristo pensou que, cando rematasen as obras do tren, o Carballiño, por ter estación, quedaría moi ben comunicado, e aínda medraría moito máis, e precisaría outra igrexa... E así foi como empezou a creer no milagre... e puxo en marcha un proxecto que semellaba imposible... pero que chegou a facerse realidade...
• En 1959 hay en Carballiño, según el censo industrial, entre otras muchas, las siguientes industrias: 3 pastelerías, 21 zapateros remendones, 4 bordadoras, 41 modistas, 14 panaderías con horno de cocer, 3 hojalateros, 13 carpinterías, 2 fabricantes de corchos, 11 costureras, 8 herreros con fragua, 11 sastrerías, 2 fábricas de licor, 4 fábricas de chocolate, 1 taller de reparación de acordeones, 3 fábricas de gaseosas, 33 molinos, 1 fábrica de hielo, 16 negocios de fabricación de zuecos, 2 fábricas de cestos, 1 industria de fabricación de platos de madera para pulpo... etc etc,
• 1958: se inaugura la residencia de productores, construida en terrenos cedidos por el Ayuntamiento, con capacidad para el alojamiento de 350 personas... En el año 1961 el coste de la estancia en ella era de 18 pesetas/día para los adultos y de 12 pesetas/día para los niños. Esta residencia fue propiedad del ministerio de Trabajo y luego pasó a la Xunta de Galicia. En un principio fue conocida por el nombre de Residencia Familiar "General Moscardó", y luego pasó a llamarse Residencia del Tiempo Libre.
• 1954.- Otero Pedraio, en la Guía de Galicia, escribe sobre Carballiño cosas como estas: "La Villa de Carballiño (2.000 habitantes)... en admirable posición entre la montaña y la ribera... la villa tal vez más activa del interior de Galicia... destaca la calle principal con algunas casas hidalgas y soportales. La edificación es bella y adaptada al paisaje. Son admirables las riberas del Arenteiro, el parque, los pinares de Longoseiros y Astureses -iglesia románica- y muy concurrido el balneario... Posee un hermoso asilo para ancianos... Carballiño, excelente lugar de veraneo, nombrado de antiguo por su excelente sociedad, centro de un país de riqueza agrícola y grandes pazos, es tenido por una de las capitales del buen comer de Galicia. De aquí el dicho: Para carne, pan e viño, Carballiño".
• La Orden ministerial de 13 de julio de 1953 crea la Biblioteca Pública Municipal de Carballiño.
• 17 de setembro de 1952: inauguración do templo da Veracruz.
• 27 de outubro de 1945: morte do arquitecto Antonio Palacios Ramilo (1874-1945), autor do proxecto da Veracruz.
• Domingo, 20 de xuño de 1943, colocación da primeira pedra da Igrexa da Veracruz.
• 17 de abril de 1934: El Ayuntamiento vende la primera parcela o solar en el Parque Municipal de O Carballiño.
• Año 1924.- El Ayuntamiento empieza las primeras plantaciones de árboles en el Parque Municipal de O Carballiño.
• Decreto de 22 de febrero de 1901, firmado por la Reina Regente Doña María Cristina, concede al ayuntamiento de O Carballiño el tratamiento de excelentísimo. Dice así: "Queriendo dar una prueba de mi real aprecio al Ayuntamiento de Carballino, provincia de Orense, por el progreso de su agricultura, industria y comercio, en nombre de mi augusto hijo, el Rey Don Alfonso XIII, y como Reina Regente del Reino, vengo en concederle el tratamiento de excelencia"
• Año 1884: Perfectino Vieitez construye su primera casa en O Carballiño, situada detrás de la casa de los Quiroga, en la que hoy se llama Plaza dos Irmáns Prieto, al lado de donde hoy está la casa de Mubles Bravo; esta casa de Perfectino Vieitez es la que menciona Emilia Pardo Bazán en el Cisne de Vilamorta. Años más tarde, entre el año 1889 y el año 1904, Perfectino Vieitez construirá otra casa, que todavía existe hoy, y que es la que está en la calle Principal o Rosalía de Castro número 8, donde está la oficina del Banco Santander, enfrente del comercio del Celta. Y también por estas mismas fechas construyó lo que hoy es el Pazo da Almuzara.
• Año 1862: termina la construcción del edificio de la Casa Consistorial de O Carballiño.
• Ano de 1812, Constitución de Cádiz. Nace o concello do Carballiño, que celebra xa as súas primeiras sesións neste mesmo ano 1812.
• En el Catastro de Ensenada (hecho en torno al año 1754) figuran los lugares de Flores, Señorín y Carrás, pero no Carballiño propiamente dicho, que era simplemente el "campo y soto de la Feria del Carballiño"
• Siglo XII, año 1286, el Rey Sancho el Bravo concede al Monasterio de Oseira el privilegio de poder establecer una feria un dia al mes. En principio la feria se celebraba en Cea. Y es alrededor del año 1670 cuando los monjes de Oseira establecen la feria en el campo de Carballiño. Por supuesto en ese momento el pueblo no existe...
  
  
  Asociacións culturais do Carballiño.

     Para os amigos de España, Arxentina, USA, Holanda, Brasil, Colombia, Australia, Portugal, Uruguai, Mexico, Chile, Perú, Venezuela, UK, República Dominicana, Francia, Alemania, Puerto Rico, Suiza, Costa Rica, Salvador, Italia, Guatemala, Canadá, Ecuador, Panamá, Andorra, Bolivia, Suecia, Nicaragua, Bélxica, Japón, Polonia, Cuba, Noruega, China, Paraguai, Honduras ... para todos...

saúde, paz e ledicia,
amor e felicidade
para todos
para este ano

Hola Amig@s...

"O que converte a vida nunha bendición non é facer o que nos gusta, senón que nos guste o que facemos" (GOETHE)

©Instituto de Estudios Carballiñeses.

Contador