Parece ser que CAMBA é
unha palabra celta usada para darlle nome a cada unha das duas pezas curvas
de madeira que forman parte da roda dos carros.
Recibín un interesante
correo de un xaponés chamado Sato Yoshimasa.
E cada vez estou mais convencido de que a palabra "camba" está
relacionada coa idea de "curva". Collede un bo diccionario galego
e mirai o significado de palabras que empezan por "camb-". Atoparedes
moitas relativas a cousas curvas. Exemplos: CAMBA: cada unha das pezas curvas
que compoñen a roda do carro. CAMBALEAR: non camiñar dereito.
CAMBAR: andar torcendo as pernas. CAMBEIRO: dise do que está torto,
principalmente as pernas. CAMBELO: que ten as pernas tortas. CAMBRAR: curvar
un talo, un vergallo ou unha vara para facer un obxecto. ....
Na zona de Salamanca e en alguns
lugares de Cantabria úsase a palabra "camba" como sinónimo
de "cama del arado" para designar a peza curva do arado que en galego
lle chamamos ravela. E esas palabras "cama" e "camba"
teñen orixe céltico, e veñen da palabra "cambos"
que significa curvo.
Polo mundo adiante hai moitos
pobos, aldeas ou lugares que se chaman Camba. Eu atopei algúns que
poño de seguido, pero seguro que hai moitos mais. A información
que facilito de cada un deles está collida das páxinas de internet
que cito, resumindoa á miña maneira.
-
Este Camba (o noso) é
un pobo moi fermoso, do concello de Laza, provincia de Ourense. Está
a mais de mil metros de altura, cerca de Cabeza de Manzaneda, e lindando
cos montes do Invernadeiro. Alí nace o río Camba, de augas
puras e cristalinas, ata o punto de que se pode beber sen medo a auga do
mesmo río. Rio, por certo, de ricas troitas. Na paisaxe de Camba
abundan os montes de uces, carqueixas, toxos, .... Pero tamén hai
carballos, castiñeiros, vidueiros, escancereixos, acebros, ... E
por suposto lameiros verdes, leiras de centeo ou patatas, cortiñas
con berzas, hortas, e terreos con frutais. As casas son feitas de pedras
pequenas "do país", cubertas con lousa tamén do
"país". Ir a Camba é como volver a un tempo lonxano,
onde a vida era .... doutro xeito.
-
Portocamba, do Concello
de Castrelo do Val (provincia de Ourense, Galicia, España).web
de Castrelo
Si atopades outros "Cambas" decídemo
e iremos aumentando esta lista de hirmaus no nome.
