COPLA POR UNHA GALICIA VERDE

                        Hectáreas

                                               queimadas

                                   nun lume

                                               ¡asesino!.

                        Chatarra

                                               de cinsa,

                                   piñeiros

                                               ardidos.

                        Lumbeiros

                                               de morte,

                                   de sombra

                                               vestidos.

                        As terras

                                               de loito,

                                   os montes

                                               espidos.

                        ¡O sangue

                                               do verde

                                   chorando

                                               ferido

                                   de negro,

                                               de cero,

                                   de lume

                                               ¡asesino!!

                        Absurdo

                                               de noxo

                                   nas brasas

                                               do frio:

                        Estrelas

                                               de cinsa

                                   nun soño

                                               caído.

                        I a Terra

                                               chorando

                                   con bágoas

                                               a fío

                                   un morto

                                               de froles

                                    de arbres, ...

                                               ¡un fillo!

                        Espranza

                                               segada

                                   sin senso,

                                               sin tino.

                        Malfado,

                                               meigallo,

                                   ¡inxusto

                                               destino!:

                        Un pranto

                                               de cinsa

                                   no neutro

                                               durmindo.

                        Un menos,

                                               un nada,

                                   un cero ...

                                               ¡perdido!

                        .....................................

                        Hectáreas

                                               ardendo...

                                   -Desperten

                                               amigos!-

                        Hectáreas

                                               morrendo ...

                                   ¡Xesús! ¡Deus

                                               querido!

                        ... morrendo

                                               ¡m o r r e n d o!

                                   na Patria

                                               do Miño.

                        ¡I o sangue

                                               do verde

                                   chorando

                                               ferido

                                   na cinsa

                                               sin senso

                                    dun lume

                                               -¡a s e s i n o!!

                        ................................................

                        ¡Galicia frolida

                        de toxos e xestas,

                        terriña alumada

                        por contos e festas!

                        ¡Galicia sulcada

                        de mouros nas penas,

                        ¡Ouh Patria prantada

                        nas meigas eternas!!

                        Eu quero escoitarte

                        na voz dos piñeiros

                        i ouvir o teu nome

                        no silvo do vento!

                        e quero que os soutos

                        me falen de Ti

                        nas longas orelas

                        do Miño e do Sil....

                        ... non quero ver arbres

                        nin montes ardendo,

                        ¡Eu quero, Galicia,

                        que o  v e r d e sea certo!!

                        que medren piñeiros

                        e toxos frolezan,

                        que canten as merlas

                        nas abedoeiras,

                        que falen os deuses

                        dos Celtas antergos

                        palabras de froles,

                        de xestas, de fentos,

                        de amor, de ledicia,

                        de vida, de ceo,

                        ... ¡palabras de nobres

                        carballos eternos!!

                        Eu quero ver froles

                        bailando sin medo

                        ¡Na festa futura

                        que o  v e r d e  sea certo!!

                        Eu quero que o sangue

                        do xenio galego

                        ¡xermole cuallado

                        de vida e de beixo!!

                        Eu quero i agardo,

                        eu soño e desexo

                        ¡semáforos verdes

                        prós nobres anceios!

                        Eu quero,  G a l i c i a, 

                        que a xente comprenda

                        que ¡Ti es de verdade

                        a nosa  M a i   T e r r a!

                                          (Neno, 1982)