DSC08266.jpg	arando.jpg	arandovalcamba.jpg	casacamba.jpg	casacamba00.jpg
casacamba01.jpg	casacamba02.jpg	casacamba03.jpg	casacamba04.jpg	casacamba05.jpg
casacamba06.jpg	casacambaescudo.jpg	casacambaescudo1.jpg	casacambatorre.jpg	casaconcellorodeiro.jpg
rodeiro.jpg	sanjuancamba.jpg	sanjuancamba02.jpg	sanjuancamba03.jpg	sanjuancamba04.jpg
sanjuancamba05.jpg	sanjuandecamba.jpg	sanjuandecamba01.jpg	vacascamba1.jpg	valcamba12.jpg
valcamba13.jpg	valcamba3.jpg	valdecamba.jpg	valdecamba1.jpg	valdecamba10.jpg

O CONCELLO DE RODEIRO, O VAL DE CAMBA E A CASA FORTALEZA DE CAMBA

(ano 2005)

Datos físicos e de poboación

    Rodeiro é un concello da provincia de Pontevedra, que está situado no centro de Galicia. Ten unha superficie de uns 166 kilómetros cadrados e unha poboación de 4.232 habitantes. O concello ten 20 parroquias e 143 aldeas ou lugares.

     O concello de Rodeiro está asentado no Val de Camba e nas ladeiras da Serra do Faro. A altitude das terras deste concello vai dende os quinientos metros ata os mil cento e pico. Pero a maior parte das terras do concello ten unha altitude entre 600 e 700 metros (nesta altitudes atópase o Val de Camba).

     A pel do concello está sulcada por moitos regatos e ríos. Os máis importantes son o Río Arnelo, o Río Rodeiro, o Río Pequeno e o Río Torubelo.

Economía

     Na economía de Rodeiro ten moita importancia o sector primario. A gandería é a actividade máis importante. Hai explotacións de vacas adicadas á producción de leite. Pero tamén hai explotacións adicadas á producción de carne de vacas, porcos, polos, coellos...

     A agricultura é de subsistencia (para consumo propio). Produce patatas, verduras, legumes e cereais (millo, trigo e centeo). Moitas das terras que antes se adicabas á agricultura foron convertidas en pradeiras artificais, para o pasto do gando.

     En canto ó sector industrial hai que destacar o matadoiro de coellos de Cogal, as empresas adicadas á extracción e aserrado de pedra de granito, e as empresas da construcción.

     E falando da economía de Rodeiro non podemos esquecernos das feiras de Río (o día 15 de cada mes) e de Rodeiro (o día 28 de cada mes).

Actividades

     Como actividades de ocio pratícales a caza (coellos, lebres, perdices, paspallás..., e tamén xabaríns, raposos e corzos) e a pesca (troitas, anguías...).

     Outra das actividades que se poden levar a cabo en Rodeiro é o senderismo, pois existen varias rutas que nos amosan a beleza natural deste concello.

Gastronomía

     A gastronomía de Rodeiro está baseada na exaltación dos productos naturais propios da zona como son os queixos, o pan, os embutidos, a caza e as carnes de tenreira. Existe no municipio unha verdadeira tradición na preparación dos coellos. E tamén ten moita sona o cocido de Rodeiro.

     Un producto moi apreciado é o pan de Rodeiro, que ten moita sona e que se vende tamén en outros pobos e vilas de Galicia.

Historia   

     Como testemuñas da prehistoria tópanse en Rodeiro varos castros e case que 90 mámoas (entre estas destaca a do Coto dos Mouros, na parroquia de Salto).

     Da idade media consérvanse fermosas igrexas románicas (Santa Mariña de Pescoso, San Martín de Asperelo, San Xulián de Pedroso...).

     Pero a edade dourada de Rodeiro atópase na alta edade media e coincide co nacemento e dominio da Casa fortaleza de Camba. Esta casa está asentada no centro do Val de Camba e nela vivíu a familia dos Camba que participou nos acontecementos históricos da Galicia feudal. Un dos seus membros, que se chamaba Fernando de Camba, participou na toma de Granada, polo que foi premiado polos Reis Católicos. A Casa Camba é unha casa fortaleza, que ten, entre outras cousas, unha torre. Como anexo á casa a familia Camba construíu no século XII unha capela patrimonial, que ainda existe, e que hoxe é a igrexa parroquial de San Xoan de Camba. Hai un pasadizo entre a casa e a igrexa construído para que os moradores da casa poidesen ir á misa sen ter que sair á rúa e sin mollarse cando chovía.

     Ademáis da Casa fortaleza de Camba, hai outras moitas construccións importantes no concello de Rodeiro, entre as que podemos destacar o Pazo de Trasulfe, na parroquia de Fafián.

Rodeiro, roda, camba

     CAMBA é unha palabra (ó parecer de orixe celta) usada para darlle nome a cada unha das duas pezas curvas de madeira que forman parte da roda dos carros. A palabra "camba" está relacionada coa idea de "curva". Collendo un bo diccionario galego e mirando o significado de palabras que empezan por "camb-", atópanse moitas relativas a cousas curvas. Exemplos: CAMBA: cada unha das pezas curvas que compoñen a roda do carro. CAMBALEAR: non camiñar dereito. CAMBAR: andar torcendo as pernas. CAMBEIRO: dise do que está torto, principalmente as pernas. CAMBELO: que ten as pernas tortas. CAMBRAR: curvar un talo, un vergallo ou unha vara para facer un obxecto.

Roda

     A Casa de Camba está situada no Val de Camba, unha zona xeográfica na que o terreo vai facendo suaves curvas. E no escudo da casa de Camba atopámos como símbolo principal a roda do carro. E dúas rodas de carro xunguidas por un eixe fan un rodeiro. E Rodeiro é tamén precísamente o nome do concello no que se atopa o Val de Camba. E tamén no escudo de Rodeiro atopamos a roda. A roda, peza curva do carro tradiccional galego, forma parte do escudo de Rodeiro e do escudo da Casa Fortaleza de Camba.

Escudo da Casa Fortaleza de Camba. Nel vemos catro rodas.

Escudo de Rodeiro. Nel tamén vemos unha roda. E as letras dicen: CONCELLO DE CAMBA RODEIRO.

Veleiquí unha foto dun rodeiro vello.

PARROQUIAS E LUGARES DO CONCELLO DE RODEIRO (As parroquias en azúl, e debaixo de cada parroquia os lugares que comprende)

Parroquia: Álceme (Santa María)

Álceme
Campo de Rañestras
Carballo, O
Latiza, A
Paredes
Rañestras

Parroquia: Arnego (Santiago)

Casar de Seta
Cuñarro do Cabo
Cuñarro do Medio
Farán
Mourigás
Padín
Toiriz

"O que converte a vida nunha bendición non é facer o que nos gusta, senón que nos guste o que facemos" (GOETHE)

"No me resigno a que, cuando yo muera, siga el mundo como si yo no hubiera vivido" (Pedro Arrupe)

  Engadir galicias.com a Favoritos  

Inicio de Galicias.com

Fotos de Galicia         

Benvid@, estás na túa casa